ചെന്നൈ: തമിഴ്നാട്ടില്‍ ഭാരതത്തെ അവഹേളിച്ച് ഇസ്ലാമിക നേതാവ്. ഇസ്ലാമിക നേതാവ് ഇല്‍യാസ് റിയാജിയാണ് ഇസ്രായേലിനെപ്പോലെ ഭാരതവും ഭീകരരാഷ്‌ട്രമാണെന്ന വിഷം വമിക്കുന്ന പ്രസംഗം നടത്തിയത്. ഇസ്രായേല്‍ ഹമാസ് യുദ്ധ സാഹചര്യത്തില്‍ പാലസ്തീനെ പിന്തുണച്ചുകൊണ്ടും ഭാരതത്തെ അവഹേളിച്ചുകൊണ്ടും ഇസ്ലാമിക നേതാവ് രംഗത്തെത്തിയത്.
ഭാരതത്തെ ഭീകരരാഷ്ട്രമെന്ന് അവഹേളിച്ചിട്ടും ന്യൂനപക്ഷ പ്രീണനത്തിനായി തമിഴ്നാട്ടിലെ സ്റ്റാലിന്‍ സര്‍ക്കാര്‍ ഇസ്ലാമിക നേതാവിനെതിരെ യാതൊരു നടപടിയുമെടുക്കാന്‍ തയാറായിട്ടില്ല. മുസ്ലിം ഭീകരവാദികളെ പിന്തുണയ്‌ക്കുന്ന സ്റ്റാലിന്റെ നിലപാടിനെതിരെ വ്യാപകമായ പ്രതിഷേധം ഉയരുന്നുണ്ട്. ഡിഎംകെ സര്‍ക്കാരിന്റെ ഇത്തരത്തിലുള്ള നിലപാടുകള്‍ തുടര്‍ക്കഥയാവുകയാണ്. ജയിലില്‍ ദേശീയപതാക ഉയര്‍ത്തുന്നതിനെതിരെ 36 മുസ്ലിം തടവുകാര്‍ പ്രതിഷേധം രേഖപ്പെടുത്തിയിട്ടും സര്‍ക്കാര്‍ യാതൊരു നടപടിയും കൈകൊണ്ടില്ല.
ക്രിക്കറ്റ് മൈതാനത്ത് അല്ലാഹു അക്ബര്‍ വിളിച്ച് നമാസ് നടത്തിയപ്പോഴും പാ
കിസ്ഥാനി ടി ഷര്‍ട്ട് ധരിച്ചപ്പോഴും അല്‍ ഉമ ഭീകരന്‍ ബാഷ കോടതിയില്‍ ഭാരതം ഭീകരരാഷ്‌ട്രമാണെന്ന് പറഞ്ഞപ്പോഴും സ്റ്റാലിന്‍ യാതൊരു നടപടിയും സ്വീകരിച്ചില്ല. ഡിഎംകെയും മുഖ്യമന്ത്രി എം.കെ. സ്റ്റാലിനും മന്ത്രി ഉദയനിധി സ്റ്റാലിനും
പാലസ്തീനെയും ഹമാസ് ഭീകരരെയും പരസ്യമായി പിന്തുണയ്‌ക്കുകയാണ് ചെയ്തത്.
ജമാ അത്ത് ഇസ്ലാമിയുടെ നേതൃത്വത്തില്‍ ഹമാസ് ഭീകരര്‍ക്ക് പിന്തുണ പ്രഖ്യാപിച്ച് വ്യാപകമായ പ്രകടനങ്ങളും സമ്മേളനങ്ങളുമാണ് നടക്കുന്നത്. കോയമ്പത്തൂരില്‍ നടന്ന പരിപാടിയിലാണ് മാണ്ഡാവേലി ഇമാം ഇല്‍യാസ് റിയാജി രാജ്യദ്രോഹ പ്രസംഗം നടത്തിയത്.
