പ്രഭാസിന്റെ 44ാം ജന്മദിനം ആഘോഷമാക്കി ആരാധകര്. ജന്മദിനത്തലേന്ന് തന്നെ ആയിരക്കണക്കിന് ആരാധകരാണ് ഒത്തുകൂടി പ്രഭാസിന്റെ പടുകൂറ്റന് ചിത്രത്തിന് മുന്നില് പാട്ടും ഡാന്സുമായി ആഘോഷമാരംഭിച്ചത്.ഒരു ദിവസം മുന്നേ തന്നെ ജപ്പാനിലെ ആരാധകരുടെ ആഘോഷം നടന്നിരുന്നു.
പ്രഭാസ് നായകനായെത്തുന്ന സലാര് ടീം പ്രത്യേക സമ്മാനമാണ് ഒരുക്കിയത്. ട്വിറ്ററില് പ്രഭാസിന്റെ പ്രത്യേക ഇമോജിയാണ് സലാര് പുറത്തുവിട്ടത്.ബാഹുബലി സിനിമയോടെ ഇന്ത്യന് സിനിമയില് തന്റേതായ സ്ഥാനമാണ് പ്രഭാസ് കരസ്ഥമാക്കിയത്. കല്ക്കി, സലാര് എന്നിങ്ങനെ ബിഗ് ബജറ്റ് ചിത്രങ്ങളാണ് ഇനി പ്രഭാസിന്റേതായി പുറത്തിറങ്ങാനിരിക്കുന്നത്.
ബോക്സോഫീസില് വലിയ ചലനം സൃഷ്ടിക്കാനുള്ള തയ്യാറെടുപ്പിലാണ് താരം.വിവാഹത്തെ കുറിച്ചുള്ള ചോദ്യങ്ങളോട് വൈകാതെ ഉണ്ടാകും എന്ന് മാത്രമായിരിക്കും പ്രഭാസിന്റെ മറുപടി. ഇപ്പോൾ താരം വൈകാതെ തന്നെ വിവാഹിതനാകുമെന്ന് പറഞ്ഞിരിക്കുകയാണ് അദ്ദേഹത്തിന്റെ പിതൃസഹോദരി ശ്യാമള ദേവി. പ്രഭാസിന്റെ വിവാഹം ഉണ്ടാകുമെന്നും അധികം വൈകില്ലെന്നുമാണ് ശ്യാമള ദേവി വ്യക്തമാക്കിയിരിക്കുന്നത്.
