തലശ്ശേരി: സിപിഎം പ്രവര്‍ത്തകനായിരുന്ന കുറിച്ചിക്കരയിലെ മീത്തലെ മടത്തിലെ ചന്ദ്രനെ വെട്ടിക്കൊന്നെന്ന കേസില്‍ പ്രതി ചേര്‍ക്കപ്പെട്ട ബിജെപി, ആര്‍എസ്എസ് പ്രവര്‍ത്തകരെ കുറ്റക്കാരല്ലെന്ന് കണ്ട് തലശ്ശേരി നാലാം അഡീഷണല്‍ സെഷന്‍സ് കോടതി ജഡ്ജ് ജെ. വിമല്‍ വിട്ടയച്ചു.
സന്തോഷ്, അജയന്‍, ശ്രീജേഷ്, സന്തോഷ്, ബിജേഷ്, സജീവന്‍, ഷാജി, ദീലീപ് കുമാര്‍, മന്മഥന്‍ എന്നിവരെയാണ് പ്രതി ചേര്‍ത്തിരുന്നത്. ഇതില്‍ നാലാം പ്രതി വി.സി. സന്തോഷ് വിചാരണയ്‌ക്കിടെ മരണപ്പെട്ടിരുന്നു.
2009 മാര്‍ച്ച് 12ന് രാത്രി 7.15ന് വീട്ടില്‍ക്കയറി ചന്ദ്രനെ വെട്ടിക്കൊന്നു എന്നതായിരുന്നു പ്രോസിക്യൂഷന്‍ കേസ്. പ്രതികള്‍ക്ക് വേണ്ടി അഡ്വ.പി.എസ്. ഈശ്വരന്‍, അഡ്വ. ജോസഫ് തോമസ്, അഡ്വ.ടി. സുനില്‍ കുമാര്‍, അഡ്വ.പി. പ്രേമരാജന്‍ എന്നിവര്‍ ഹാജരായി.
