ടെല് അവീവ്: ഐടി വിദഗ്ധനായ ഷോണ് ബോള്നിക് ഹമാസിനെതിരെ തോക്കെടുത്തു. പട്ടാളത്തില് തിരികെച്ചേരാന് പ്രേരിപ്പിച്ചത് രാജ്യസ്നേഹം മാത്രം.
സുരക്ഷിതമായ ഐടി ജോലിയില് നിന്നും ലീവെടുത്താണ് ജീവന് പന്തയം വെച്ചുള്ള യുദ്ധരംഗത്തേക്ക് ഷോണ് ബോള്നിക് എന്ന ചെറുപ്പക്കാരന് ഇറങ്ങിയത്. “ആരും രക്തം ചൊരിയാനും യുദ്ധത്തിന് പോകാനും ഇഷ്ടപ്പെടില്ല. പക്ഷെ ഞങ്ങള് രാജ്യത്തെ സംരക്ഷിക്കാന് ആഗ്രഹിക്കുന്നു. ഞങ്ങളുടെ സഹോദരനെ, സഹോദരിയെ, മാതാപിതാക്കളെ സംരക്ഷിക്കാന് ആഗ്രഹിക്കുന്നു. “- ഷോണ് ബോള്നിക് പറഞ്ഞു.
“പട്ടാളയൂണിഫോം ധരിച്ച് ഞങ്ങളുടെ രാജ്യത്തെ പ്രതിരോധിക്കാന് കഴിയുന്നതിലെ അഭിമാനം മറ്റൊന്നിനുമില്ല. ഹമാസ് തീവ്രവാദികള് എന്താണ് ചെയ്തത്? നൂറുകണക്കിന് സ്ത്രീകളെയും കുട്ടികളെയും പ്രായമായവരേയും അവര് പിടിച്ചുകൊണ്ടുപോയി.” – ഷോണ് ബോള്നിക് പറയുന്നു.
ഷോണ് ബോള്നിക് മാത്രമല്ല, ഇതുപോലെ വിവിധ രംഗങ്ങളില് ജോലി ചെയ്യുന്ന 30,000 പേരാണ് യുദ്ധത്തിനായി ഇസ്രയേലന്റെ പട്ടാളക്യാമ്പില് എത്തിയിരിക്കുന്നത്.
