ഇടുക്കി: വിവാഹം നടക്കാത്തതിൽ മനംനൊന്ത് ആത്മഹത്യക്ക് ശ്രമിച്ച് യുവാവ്. പെട്രോളൊഴിച്ച് തീകൊളുത്തി 39-കാരനാണ് ആത്മഹത്യയ്‌ക്ക് ശ്രമിച്ചത്. ഇന്നലെ വൈകിട്ട് നാലരയോടെ ഇടുക്കി അടിമാലി ടൗണിലായിരുന്നു സംഭവം. അടിമാലി അമ്പലപ്പടിയിൽ വാടകയ്‌ക്ക് താമസിക്കുന്ന പന്നിയാർകുട്ടി സ്വദേശി ജിനീഷ് ആണ് ജീവനൊടുക്കാൻ ശ്രമിച്ചത്.
കയ്യിൽ കരുതിയിരുന്ന പെട്രോളുമായി യുവാവ് അടിമാലി സെൻട്രൽ ജംഗ്ഷിലുള്ള ഹൈമാക്‌സ് ലൈറ്റിന് താഴെ എത്തി സ്വയം ശരീരത്തിൽ പെട്രോൾ ഒഴിച്ച് തീകൊളുത്തുകയായിരുന്നു. ഉടൻ തന്നെ പ്രദേശവാസികൾ രക്ഷിക്കാൻ ശ്രമിച്ചെങ്കിലും യുവാവിന് ഗുരുതരമായി പരിക്കേറ്റു. ഇയാളെ കോട്ടയം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചിരിക്കുകയാണ്.
യുവാവിന് മാതാവും സഹോദരനുമാണ് ഉള്ളത്. ഇരുവരും വിവാഹം കഴിച്ചിട്ടില്ല. വിവാഹം നടക്കാത്തതിൽ വിഷമമുണ്ടെന്ന് പലരോടും പറഞ്ഞിരുന്നതായി സുഹൃത്തുക്കൾ പറയുന്നു.
