ടെല് അവീവ്: ഹമാസ് തീവ്രവാദികളുടെ ആക്രമണവും തുടര്ന്ന് ഇസ്രായേലി സൈന്യത്തിന്റെ പ്രത്യാക്രമണവും നിമിത്തം യുദ്ധ സമാന സാഹചര്യമുളള ഇസ്രായേലില് കുടുങ്ങി കിടക്കുകയാണ് ബോളിവുഡ് നടി നുഷ്രത്ത് ബറൂച്ച . ഹൈഫ അന്താരാഷ്ട്ര ചലച്ചിത്രോത്സവത്തില് പങ്കെടുക്കാന് എത്തിയതാണ് നടി.
നടി ടെല് അവീവ് വിമാനത്താവളത്തില് ഉണ്ടെന്നാണ് വിവരം.നിലവില് താരം സുരക്ഷിതയാണെന്നാണ് റിപ്പോര്ട്ട്.
2009 ലാണ് ആദ്യമായി നുശ്രഷ് അഭിനയരംഗത്തെത്തുന്നത്. കല് കിസ്നേ ദേഖാ എന്ന ചിത്രത്തിലൂടെയായിരുന്നു ബോളിവുഡിലെ അരങ്ങേറ്റം. പിന്നീട് ലൗ സെക്സ് ഓര് ദോഖ, പ്യാര് ക പഞ്ച്നാമ, പ്യാര് കാ പഞ്ച്നാമ 2 തുടങ്ങി നിരവധി സിനിമകളില് വേഷമിട്ടു.
ഹമാസ് തീവ്രവാദികള് ഇസ്രായേലി അതിര്ത്തി കടന്ന് നടത്തിയ ആക്രമണത്തില് മരിച്ചവരുടെ എണ്ണം 250 ആയി. 1100ലേറെ പേര്ക്ക് ആക്രമണങ്ങളില് പരിക്കേറ്റു. വിവിധയിടങ്ങളില് ഏറ്റുമുട്ടല് തുടരുകയാണ്. ഗാസയില് ഇസ്രയേല് നടത്തിയ പ്രത്യാക്രമണത്തില് 230 ലേറെ പലസ്തീനികള് കൊല്ലപ്പെട്ടു.
