ഗാസ: ഇസ്രായേലി വനിത പട്ടാളക്കാരിയെ കൊന്ന ശേഷം നഗ്നയാക്കി വാഹനത്തില് കൊണ്ടുനടന്ന് പ്രദര്ശിപ്പിക്കുന്ന പലസ്തീന് തീവ്രവാദികളുടെ വീഡിയോ വൈറല്. ഭയമുണര്ത്തുന്ന ഈ വീഡിയോയില് തോക്ക് ധാരികളായ പലസ്തീന് പട്ടാളക്കാരെ കാണാം.
വീഡിയോ:
https://twitter.com/MeghUpdates/status/1710553564609966096
ഗാസയിലെ ഹമാസ് തീവ്രവാദികളുടേതാണ് ഈ ക്രൂരത. നേരത്തെ ഹമാസ് തീവ്രവാദികള് ഇസ്രയേല് പ്രദേശത്ത് റോക്കറ്റ് ആക്രമണം നടത്തിയിരുന്നു. എന്നാല് ഈ വീഡിയോയുടെ ആധികാരികത ഉറപ്പാക്കാന് ഇതുവരെ സാധിച്ചിട്ടില്ല. പക്ഷെ വീഡിയോ സമൂഹമാധ്യമമായ എക്സില് വൈറലാണ്.
തെക്കന് ഇസ്രയേലില് റോക്കറ്റാക്രമണം വിജയകരമായി നടത്താന് കഴിഞ്ഞതിന്റെ ആഹ്ളാദം പങ്കിടുന്ന പലസ്തീന് തീവ്രവാദികളുടെ നിരവധി വീഡിയോകള് സമൂഹമാധ്യമങ്ങളില് പങ്കുവെയ്ക്കപ്പെടുന്നുണ്ട്. അതില് ഒന്നാണ് ഇസ്രയേലി സൈന്യത്തിലെ വനിത കൊന്ന ശേഷം നഗ്നയാക്കി ജീപ്പില് കൊണ്ടുനടന്ന് പ്രദര്ശിപ്പിക്കുന്ന ഈ ക്രൂരത.
ഇസ്രയേല് -പലസ്തീന് പോരാട്ടം കനക്കുന്നു
ഇസ്രയേലും പലസ്തീനിലെ ഹമാസ് തീവ്രവാദികളും തമ്മില് പൊരിഞ്ഞ പോരാട്ടം നടക്കുകയാണ്. ഓപ്പറേഷന് ‘അല് അഖ്സ ഫ്ളഡ്’ എന്ന പേരിലാണ് ഹമാസ് ഇസ്രയേലിന് നേരെ ആക്രമണം നടത്തിയത്. 20 മിനിറ്റുകൊണ്ട് 5000 റോക്കറ്റുകളാണ് ഇസ്രായേലിലേക്ക് വിട്ടതെന്നാണ് റിപ്പോർട്ട്. ഒരു പതിറ്റാണ്ടിനിടെ ഇസ്രായേല് നേരിടുന്ന ഏറ്റവും വലിയ പലസ്തീന് ആക്രമണമാണിതെന്ന് പറയപ്പെടുന്നു. കരയിലൂടെയും കടലിലൂടെയും നുഴഞ്ഞുകയറിയായിരുന്നു ഹമാസിന്റെ ആക്രമണം. പക്ഷെ ഇപ്പോള് ഇസ്രയേലും ഇതിനെതിരെ തിരിച്ചടിക്കുകയാണ്. പലസ്തീൻ തീവ്രവാദ സംഘടനയ്ക്കെതിരെ ‘ഓപ്പറേഷൻ അയൺ സ്വാർഡ്സ്’ എന്ന പേരിലാണ് ഇസ്രയേല് യുദ്ധപ്രഖ്യാപനം നടത്തിയിരിക്കുന്നത്. ഇതിന്റെ ഭാഗമായി ഗാസ മുനമ്പിലെ ഹമാസ് കേന്ദ്രങ്ങളിൽ ഇസ്രായേൽ കനത്ത വ്യോമാക്രമണം തുടങ്ങിക്കഴിഞ്ഞു.
“നമ്മൾ ഒരു യുദ്ധത്തിലാണ്, ഈ യുദ്ധത്തിൽ നമ്മൾ വിജയിക്കും.. ശത്രുകൾക്ക് ചിന്തിക്കാൻ പോലും കഴിയാത്ത രീതിയുള്ള തിരിച്ചടി ലഭിക്കും. വലിയ വില നൽകേണ്ടിവരും”- ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹു ഒരു വീഡിയോ പ്രസ്താവനയിൽ പറഞ്ഞു.
