കൊല്ലം: മാതാ അമൃതാനന്ദമയിയുടെ സപ്തതി ആഘോഷത്തില്‍ പങ്കെടുക്കാന്‍ നടന്‍ മോഹന്‍ലാലെത്തി.
ചൊവ്വാഴ്ച രാവിലെയായിരുന്നു ജന്മദിനാഘോഷം നടന്നത്. അമൃതാനന്ദമയിക്ക് ജന്മദിനാശംസകള്‍ നേര്‍ന്ന മോഹന്‍ലാല്‍ അമ്മയെ മാലയണിയിച്ചു. ഈ ദൃശ്യങ്ങളും സമൂഹമാധ്യങ്ങളിൽ വൈറലാണ്. പാദപൂജ ചടങ്ങിലും മോഹൻലാൽ സജീവ സാന്നിദ്ധ്യമായിരുന്നു. അമൃത വിശ്വവിദ്യാപീഠം കാമ്പസിൽ നടക്കുന്ന ചടങ്ങിൽ ആണ് മോഹൻലാൽ എത്തിയത്.
അമൃതാനന്ദമയിയുടെ 70ാം ജന്മദിനത്തിൽ വിവിധ രാജ്യങ്ങളിൽ നിന്നുള്ള പ്രതിനിധികൾ പങ്കെടുത്തു. രാവിലെ അഞ്ച് മണിക്ക് മഹാഗണപതി ഹോമത്തോടെയാണ് ചടങ്ങുകൾ ആരമംഭിച്ചത്. 7 മണിക്ക് മാതാ അമൃതാനന്ദമയി മഠം വൈസ് ചെയർമാൻ സ്വാമി അമൃതസ്വരൂപാനന്ദപുരിയുടെ നേതൃത്വത്തിൽ സത് സംഗം നടന്നു.
മോഹൻലാലിനെ അമൃതാനന്ദമയി സന്തോഷത്തോടെ ആശ്ലേഷിക്കുന്നതും അനുഗ്രഹം നൽകുന്നതുമായ വിഡിയോകളും ഫോട്ടോകളും ആണ് ആരാധകർക്കിടയിൽ വൈറൽ ആവുന്നത്.
