ത്രെഡ്സിൽ പുതിയ ഫീച്ചർ അവതരിപ്പിക്കാനൊരുങ്ങി മെറ്റ. നിലവിൽ ത്രെഡ്സിലുള്ള അക്കൗണ്ട് ഡിലീറ്റ് ചെയ്യുമ്പോൾ ഒപ്പം ഇൻസ്റ്റഗ്രാം അക്കൗണ്ടും നഷ്ടമാകാറുണ്ട്. ഇതിനൊരു പരിഹാരമായാണ് മെറ്റ പുതിയ ഫീച്ചർ അവതരിപ്പിക്കുന്നത്. ഉപഭോക്താക്കൾ ആവശ്യം ഉന്നയിച്ചതിന് പിന്നാലെയാണ് മെറ്റ പുതിയ ഫീച്ചർ അവതരിപ്പിക്കാൻ ഒരുങ്ങുന്നത്.
ഉപയോഗിക്കുന്നില്ലാത്ത ത്രെഡ്സ് അക്കൗണ്ടുകൾ ഒഴിവാക്കുമ്പോൾ ഒപ്പം ഇൻസ്റ്റഗ്രാം അക്കൗണ്ടും നഷ്ടമാകുമോ എന്ന ആശങ്കയിലാണ് ഉപഭോക്തക്കൾ. ഇൻസ്റ്റഗ്രാം അക്കൗണ്ട് ഡിലീറ്റ് ആകാതെ ത്രെഡ്സ് ഫോണിൽ നിന്നും ഒഴിവാക്കുന്നതിനുള്ള പുതിയ ഫീച്ചറാണ് മെറ്റ അവതരിപ്പിക്കുന്നത്.
ഡിസംബർ അവസാനത്തോടെ ഫീച്ചർ നിലവിലെത്തുമെന്നാണ് പുറത്തു വരുന്ന റിപ്പോർട്ടുകൾ. കഴിഞ്ഞ ജൂലൈയിലാണ് ആപ്പ് നിലവിൽ വരുന്നത്.
