പനത്തടി: നൂറ് വയസ് പിന്നിട്ട പട്ടികവര്ഗ്ഗ സമുദായംഗങ്ങളെ ആദരിക്കുന്നതിന്റെ ഭാഗമായി കോയത്തടുക്കത്തെ എങ്കപ്പു നായ്ക്ക്, നെല്ലിത്തോട് ബിസിലു ഭായ് എന്നിവര്ക്ക് വനവാസി വികാസ കേന്ദ്രത്തിന്റെ ആദരം.
103 കാരനായ എങ്കപ്പു നായ്ക്ക് തരോള് തറവാട് കുടുബാംഗമാണ്. അദ്ദേഹം ചാമുണ്ടിക്കുന്ന് ഗവ: യു പി സ്കൂളിലെ ആദ്യ പ്രസിഡന്റും, ദീര്ഘകാലം പെരുതടി ശ്രീ മഹാദേവ ക്ഷേത്ര പ്രസിഡന്റുമായിരുന്നു.ദോളം തറവാട് കുടുബാംഗമായ ബിസിലു ഭായി തറവാട്ടിലെ ഏറ്റവും മുതിര്ന്നഅംഗമാണ്. വനവാസി വികാസകേന്ദ്രം കണ്ണൂര് വിഭാഗ് ഹിത രക്ഷാപ്രമുഖ് ഷിബു മൈലാട്ടി, ആര് എസ് എസ് ഖണ്ഡ് കാര്യവാഹക് ശ്രീകുമാര് ,ബൗദ്ധിക്പ്രമുഖ് കെ.സുരേഷ്, മറാഠി സംരക്ഷണ സമിതി താലൂക്ക് പ്രസിഡന്റ് ബാലകൃഷ്ണന് കോയ ത്തടുക്കം, മുന്തന്റ മൂല സ്വരാജ് ക്ലബ് പ്രസിഡന്റ് രാമചന്ദ്രന് എന്നിവരുടെ നേതൃത്വത്തിലായിരുന്നു ആദരം.
