വയനാട്: കൈനാട്ടിയിൽ കെഎസ്ആർടിസി ബസും ചരക്ക് ലോറിയും കൂട്ടിയിടിച്ച് അപകടം. നടവലയിൽ നിന്നും ചങ്ങനാശേരിയിലേക്ക് പോയ ബസ് ആണ് അപകടത്തിൽപ്പെട്ടത്. സംഭവത്തിൽ പത്ത് പേർക്കാണ് പരിക്കേറ്റത്. അപകടത്തിൽ ലോറി ഡ്രൈവറുടെ നില ഗുരുതരമാണ്.
ഡ്രൈവറുടെ കാലിനാണ് ഗുരുതരമായി പരിക്കേറ്റത്. ഇന്ന് രാവിലെ ആറേമുക്കാലോടെയായിരുന്നു അപകടം. കൽപറ്റ ടൗൺ ഭാഗത്ത് നിന്നും എത്തിയ ലോറി തെറ്റായ ദിശയിലെത്തി കൂട്ടിയിടിക്കുകയായിരുന്നു. ഡ്രൈവർ ഉറങ്ങിപ്പോയതാണോ എന്ന സംശയമുണ്ട്.
