ആലപ്പുഴ: നെഹ്റു ട്രോഫി വള്ളംകളിയില് പങ്കെടുത്ത ബോട്ട് ക്ലബ്ബുകളെയും ചുണ്ടന്വള്ളങ്ങളെയും വഞ്ചിച്ച് സര്ക്കാര്. മത്സരം കഴിഞ്ഞ് ഒന്നര മാസം പിന്നിട്ടിട്ടും ഗ്രാന്റോ ബോണസോ ഇതുവരെ നല്കിയിട്ടില്ല. ഒരു കോടിയോളം രൂപയാണ് സര്ക്കാര് നല്കാനുള്ളത്. കടുത്ത സാമ്പത്തിക പ്രതിസന്ധിയിലായ ക്ലബ്ല് ഉടമകള് ചാമ്പ്യന്സ് ബോട്ട് ലീഗിന്റെ ബാക്കിയുള്ള മല്സരങ്ങളില് ബഹിഷ്ക്കരിക്കുന്ന കാര്യം തീരുമാനിക്കാന് ഉടന് യോഗം ചേരുമെന്ന് അറിയിച്ചിട്ടുണ്ട്.
തുഴച്ചിലുകാര്ക്ക് വേതനം പോലും നല്കാന് പോലും നിവൃത്തിയില്ലാത്ത അവസ്ഥയിലാണ് ക്ലബ് ഉടമകള്. ഓഗസ്റ്റ് 12-നാണ് നെഹ്റു ട്രോഫി വള്ളം കളി നടന്നത്. വള്ളംകളി സംഘാടകരായ എന്ടിബിആര് സൊസൈറ്റിയും ടൂറിസം വകുപ്പ് വഴിയുമാണ് സര്ക്കാര് ഇത് നല്കേണ്ടത്. കൈയില് പണമില്ലെന്നാണ് സര്ക്കാരിന്റെ മറുപടി. ഇപ്പോള് തുഴച്ചിലുകാര്ക്ക് പോലും വേതനം നല്കാതെ ബുദ്ധിമുട്ടുകയാണ് നെഹ്റുട്രോഫിക്കിറങ്ങിയ ക്ലബ്ലുകള്. 19 ചുണ്ടന് വള്ളങ്ങള്ക്ക് ആകെ നല്കിയത് ഒരു ലക്ഷം രൂപയുടെ അഡ്വാന്സ് മാത്രമാണ്. ചെറുവള്ളങ്ങള്ക്ക് 25000 രൂപയും.
