പാലാ: പാലാ-പൊന്‍കുന്നം റോഡില്‍ കടയം ഭാഗത്ത് നിര്‍ത്തിയിട്ടിരുന്ന ലോറിയില്‍ ഇന്നോവ കാര്‍ ഇടിച്ചുണ്ടായ അപകടത്തില്‍ കുട്ടികള്‍ ഉള്‍പ്പെടെ 6 പേര്‍ക്ക് പരിക്ക്. തിങ്കളാഴ്ച ഉച്ചയ്‌ക്ക് ഒന്നരയോടടുത്താണ് അപകടം.
പൈകയില്‍ നിന്ന് പാലാ ഭാഗത്തേയ്‌ക്ക് വന്നതാണ് കാര്‍. പരിക്കേറ്റവരെ ചേര്‍പ്പുങ്കല്‍ മാര്‍ സ്ലീവ മെഡിസിറ്റിയില്‍ പ്രവേശിപ്പിച്ചു. ആരുടെയും നില ഗുരുതരമല്ല.
പൈക സ്വദേശികളായ കുടുംബാംഗങ്ങള്‍ സഞ്ചരിച്ച കാറാണ് അപകടത്തില്‍പ്പെട്ടത്. കാറിലുണ്ടായിരുന്ന ഡാല്‍വിന്‍ (45), നിജിത (38), ഡിയോണ (13), ഡിയ (11), ഡാലിന്‍ (4), ഡ്രൈവര്‍ അനൂപ് (35) എന്നിവരാണ് മെഡിസിറ്റിയില്‍ ചികിത്സതേടിയത്.
ജന്മഭൂമി ഓണ്‍ലൈന്‍