തിരുവനന്തപുരം: കെഎസ്ആര്ടിസി ബസ് കയറിയിറങ്ങി വയോധികന് ദാരുണാന്ത്യം. നെടുമങ്ങാട് പനയമുട്ടം സ്വദേശി 80-കാരനായ കൃഷ്ണന് നായരാണ് മരിച്ചത്. ക്ഷീരകര്ഷകനായിരുന്ന കൃഷ്ണന് നായര് പാലുമായി സൊസൈറ്റിയിലേക്ക് പോകുന്ന വഴിയായിരുന്നു അപകടം.
പനയമുട്ടം ജങ്ഷനില് നിന്ന് കെഎസ്ആര്ടിസി ബസിന്റെ മുന്വശത്തെ വാതിലില് കൂടി അകത്തേക്ക് കയറുന്നതിനിടെ മുന്നോട്ടെടുത്ത ബസില് നിന്ന് കാല്വഴുതി കൃഷ്ണന് നായര് റോഡിലേക്ക് വീഴുകയായിരുന്നു. വാഹനത്തിന്റെ പിന്ചക്രം തലയിലൂടെ കയറിയിറങ്ങി തല്ക്ഷണം മരണം സംഭവിച്ചു.
ചേപ്പിലോട് നിന്ന് തിരുവനന്തപുരത്തേക്ക് വരികയായിരുന്നു ബസ്. അപകടത്തിന് പിന്നാലെ ബസ് െ്രെഡവര് ഇറങ്ങിയോടി. പോലീസും നാട്ടുകാരും ചേര്ന്ന് കൃഷ്ണന് നായരുടെ ശരീരം ബസിനടിയില് നിന്ന് പുറത്തെടുത്തു
