തിരുവനന്തപുരം: നിരോധിത സംഘടനയായ പോപ്പുലര് ഫ്രണ്ടിന് വിവരങ്ങള് ചോര്ത്തി നല്കിയ സബ് ഇന്സ്പെക്ടര്ക്ക് സസ്പെന്ഷന്. സൈബര് സെല് എസ് ഐ റിജുമോനെയാണ് സസ്പെന്ഡ് ചെയ്തത്. ഇയാള് നിരോധിക്കപ്പെട്ട സംഘടനകള്ക്ക് രഹസ്യവിവരങ്ങള് ചോര്ത്തി നല്കിയെന്ന് എന്ഐഎ കണ്ടെത്തിയതിനെ തുടര്ന്നാണ് നടപടി.
കോട്ടയം ഈസ്റ്റ് പോലീസ് സ്റ്റേഷനിലായിരുന്നു റിജുമോന് ജോലി ചെയ്തിരുന്നത്. ജില്ലയിലെ കിഴക്കന് മേഖലയില് നിരോധിത സംഘടനകളില് ഉള്പ്പെട്ടവരെ എന്ഐഎ നിരീക്ഷിച്ചിരുന്നു.ഈ വിവരങ്ങള് പിഎഫ്ഐയിലെ നേതാക്കളുമായി പങ്കുവെച്ചതിന് തെളിവ് ലഭിച്ചിരുന്നു. കുറച്ചുനാളായി ഇയാള് എന്ഐഎ നിരീക്ഷണത്തിലുമായിരുന്നു. തുടര്ന്നാണ് ഉദ്യോഗസ്ഥനെ അടിയന്തരമായി സസ്പെന്ഡ് ചെയ്യാന് നിര്ദ്ദേശിച്ചത്.
തൊടുപുഴ കരിമണ്ണൂര് സ്റ്റേഷനില്നിന്ന് ആര്എസ്എസ് പ്രവര്ത്തകരുടെ വിവരങ്ങള് പോപ്പുലര് ഫ്രണ്ട് നേതാക്കള്ക്ക് ചോര്ത്തി നല്കിയതിന് സിവില് പോലീസ് ഓഫീസറെ സര്വീസില് നിന്ന് പിരിച്ചുവിട്ടതിന് മാസങ്ങള്ക്കുള്ളിലാണ് അടുത്ത ഉദ്യോഗസ്ഥനും പ്രതികൂട്ടിലായത്.
