കോട്ടയം: ജില്ലയിലെ കിഴക്കന് മലയോര മേഖലകളില് കനത്ത മഴ. തലനാട് വെള്ളാനിയില് ഉരുള്പൊട്ടലുണ്ടായി. ആളപായമില്ലെന്നാണ് വിവരം. കൃഷിനാശം സംഭവിച്ചതായാണ് റിപ്പോര്ട്ട്. റോഡില് കല്ലും മണ്ണും നിറഞ്ഞതിനാല് ഗതാഗത തടസം നിലനില്ക്കുന്നുണ്ട്.
കനത്ത മഴയെത്തുടര്ന്ന് വാഗമണ്-ഈരാറ്റുപേട്ട റോഡിലും മണ്ണിടിച്ചിലുണ്ടായി. മംഗളഗിരിയില് മണ്ണിടിച്ചിലിനെ തുടര്ന്ന് ഗതാഗതം തടസപ്പെട്ടു. തീക്കോയി, അടുക്കം, ഒറ്റയീട്ടി തുടങ്ങിയ പ്രദേശങ്ങളില് ശക്തമായ മഴ തുടരുകയാണ്. മഴ തുടരുന്ന സാഹചര്യത്തില് തീക്കോയി വില്ലേജിലെ വെള്ളിക്കുളം സെന്റ്. ആന്റണീസ് സ്കൂളില് റവന്യൂ വകുപ്പ് ക്യാമ്പ് തുറന്നു. മഴ തുടരുന്ന സാഹചര്യത്തില് വിനോദസഞ്ചാരികളും രാത്രി യാത്രക്കാരും ജാഗ്രത പാലിക്കേണ്ടതാണ്.
