പള്ളിക്കത്തോട്: മോഷ്ടിച്ച ബൈക്കുമായി കറങ്ങിനടന്ന യുവാവ് അപകടത്തില്പ്പെട്ടപ്പോള് പോലീസിന്റെ പിടിയിലായി.
ഷാപ്പ് ഉടമയുടെ ബൈക്ക് മോഷ്ടിച്ച കേസിലാണ് യുവാവിനെ അറസ്റ്റ് ചെയ്തു. മുത്തോലി കിഴക്കേകുന്നേല് ബിനോയി പോള്(36)നെയാണ് പള്ളിക്കത്തോട് പോലീസ് അറസ്റ്റുചെയ്ത്. കാഞ്ഞിരമറ്റം ജയാഭവനില് എം.ടി. സതീഷിന്റെ ബൈക്കാണ് മോഷ്ടിക്കപ്പെട്ടത്. ഒരാഴ്ച മുന്പാണ് ഷാപ്പിന്റെ മുന്പില് നിന്നും ബൈക്ക് മോഷണം പോയത്. മോഷ്ടിച്ച ബൈക്കുമായി ഈരാറ്റുപോട്ടയില് എത്തിയ പ്രതി അവിടെ അപകടത്തില്പ്പെടുകയായിരുന്നു. അതോടെ അയാള് ബൈക്ക് ഉപേക്ഷിച്ച് ആശുപത്രിയില് ചികിത്സതേടി. ഉപേക്ഷിക്കപ്പെട്ട ബൈക്കിനെ പറ്റിയുള്ള പോലീസ് അന്വേഷത്തിലാണ് പള്ളിക്കത്തോട് ഷാപ്പ് ഉടമ സതീഷിന്റെ ബൈക്കാണെന്ന് തിരിച്ചറിയുന്നത്. കോടതിയില് ഹാജരാക്കിയ ഇയാളെ റിമാന്ഡുചെയ്തു.
ജന്മഭൂമി ഓണ്ലൈന്