ഏകദിന ലോകകപ്പിനുള്ള ഇന്ത്യന്‍ ടീമില്‍ സഞ്ജു സാംസണ്‍ ഇല്ല; രാഹുലും കിഷനും സൂര്യയും ടീമിൽ

കാൻഡി: ഏകദിന ക്രിക്കറ്റ് ലോകകപ്പിനുളള 15 അംഗ ഇന്ത്യൻ ടീമിനെ പ്രഖ്യാപിച്ചു. ടീമിനെ പ്രഖ്യാപിക്കേണ്ട അവസാന ദിവസമായ ചൊവ്വാഴ്ച ബിസിസിഐ ടീമിനെ പ്രഖ്യാപിച്ചു.

Here's the #TeamIndia squad for the ICC Men's Cricket World Cup 2023 🙌#CWC23 pic.twitter.com/EX7Njg2Tcv

— BCCI (@BCCI) September 5, 2023

ലോകകപ്പിനുള്ള 15 അംഗ ടീമിന്റെ നായകൻ രോഹിത് ശർമ്മയാണ്. ഹാർദ്ദിക് പാണ്ഡ്യയാണ് ടീമിന്റെ വൈസ് ക്യപ്റ്റൻ. കെ എൽ രാഹുൽ ടീമിൽ തിരിച്ചെത്തിയയപ്പോൾ മലയാളി താരം സഞ്ജു സാംസണെ പരിഗണിച്ചില്ല…….

കെ എൽ രാഹുലും ഇഷാൻ കിഷനുമാണ് ലോകകപ്പ് ടീമിലെ വിക്കറ്റ് കീപ്പർമാർ. ഏഷ്യാ കപ്പിലെ മൂന്ന് താരങ്ങളെ ഒഴിവാക്കിയുള്ള ടീമിനെയാണ് ഇന്ന് പ്രഖ്യാപിച്ചത്. സഞ്ജു സാംസണ് പുറമെ ഏഷ്യാ കപ്പ് ടീമിലുള്ള തിലക് വർമ, പ്രസിദ്ധ് കൃഷ്ണ, എന്നിവരാണ് ലോകകപ്പ് ടീമിൽ നിന്ന് പുറത്തായത്.

ഏകദിന ലോകകപ്പ് ഇന്ത്യന്‍ ടീം:രോഹിത് ശര്‍മ്മ (ക്യാപ്റ്റന്‍), ശുഭ് മാന്‍ ഗില്‍, വിരാട് കോഹ്ലി, ശ്രേയസ് അയ്യര്‍, ഇഷാന്‍ കിഷന്‍, കെ.എല്‍. രാഹുല്‍, ഹാര്‍ദ്ദിക് പാണ്ഡ്യ (വൈസ് ക്യാപ്റ്റന്‍), സൂര്യകുമാര്‍ യാദവ്, രവീന്ദ്ര ജഡേജ, അക്സാര്‍ പട്ടേല്‍, ഷര്‍ദുല്‍ താക്കൂര്‍, ജസ്പ്രിത് ബുംമ്ര, മൊഹമ്മദ് ഷമി, മൊഹമ്മദ് സിറാജ്, കുല്‍ദീപ് യാദവ്