ആലപ്പുഴ: ഓട്ടോറിക്ഷ അച്ചന്കോവിലാറ്റിലേക്ക് മറിഞ്ഞ് യുവതി മരിച്ചു.ചെങ്ങന്നൂര് കൊല്ലകടവ് പാലത്തിനു സമീപമാണ് അപകടം. മൂന്നു വയസുകാരനായ മകനെ കാണാതായി.
ചെങ്ങന്നൂര് വെണ്മണി വലിയപറമ്പില് സൈലേഷിന്റെ ഭാര്യ ആതിര എസ്. നായര് ആണു മരിച്ചത്. ഇവരുടെ മകന് കാശിനാഥനെ ആണ് കാണാതായത്. ഞായറാഴ്ച വൈകിട്ട് 6 മണിയോടെയാണ് അപകടം.
ഓട്ടോറിക്ഷയില് ഡ്രൈവറടക്കം 5 പേരാണ് ഉണ്ടായിരുന്നത്. മാവേലിക്കര ആശുപത്രിയില് നിന്നും തിരികെ വീട്ടിലേക്ക് വരുമ്പോഴാണ് അപകടം ഉണ്ടായത്.
