മുംബൈ: തന്റെ വ്യക്തിത്വ അവകാശങ്ങള് സംരക്ഷിക്കണമെന്നും എ ഐ വഴി സൃഷ്ടിച്ചതോ മോര്ഫ് ചെയ്തതോ ആയ ഉള്ളടക്കങ്ങള് പ്രസിദ്ധീകരിക്കുന്നത് വിലക്കണമെന്നും ആവശ്യപ്പെട്ട് നടിയും കമലഹാസന്റെ മകളുമായ ശ്രുതി ഹാസന് ബോംബെ ഹൈക്കോടതിയെ സമീപിച്ചു. ഫ്ളിപ്കാര്ട്ടില് തന്റെ പേരും ചിത്രവും ഉള്ക്കൊള്ളുന്ന പോസ്റ്ററുകള് അനുമതിയില്ലാതെ വില്ക്കുന്നുവെന്നും ഹര്ജിയില് ആരോപിച്ചിട്ടുണ്ട്. തുടര്ന്ന് ബൗദ്ധിക സ്വത്തവകാശ ലംഘനം ആരോപിച്ച് കമേഴ്സല് കേസ് ഫയല് ചെയ്യാന് ജസ്റ്റിസ് അഭയ് അഹൂജ നടിക്ക് അനുമതി നല്കി.
സെലിബ്രിറ്റി ബുക്കിംഗ്, എന്ഡോഴ്സ്മെന്റ് പ്ലാറ്റ്ഫോമുകള്, ഫാഷന്, ജ്വല്ലറി പ്ലാറ്റ്ഫോമുകള്, ഗൂഗിള്, മെറ്റ , എക്സ് കോര്പ്പ്, പിന്ട്രെസ്റ്റ് എന്നിവയുള്പ്പെടെയുള്ള സോഷ്യല് മീഡിയ കമ്പനികള് തുടങ്ങിയവക്കെതിരെയാണ് കേസ്.
