തിരുവനന്തപുരം: ചന്ദ്രയാന്‍ 3 ചന്ദ്രന്റെ ദക്ഷിണധ്രുവത്തില്‍ വിജയകരമായി ഇറങ്ങിയതിന് ശേഷം ഈ ദൗത്യത്തിന് ചുക്കാന്‍ പിടിച്ച ഐഎസ് ആര്‍ഒ ചെയര്മാന് സോമനാഥിന് അഭിന്ദനങ്ങളുടെ പ്രവാഹമാണ്. കഴിഞ്ഞ ദിവസം ഇന്‍ഡിഗോ വിമാനത്തില്‍ കയറിയ സോമനാഥിനെ കാത്തിരുന്നത് അപ്രതീക്ഷിത വരവേല്‍പ്. വിമാനത്തിലെ കേബിന്‍ ക്രൂവും യാത്രക്കാരും ചേര്‍ന്ന് നല്‍കിയ അഭിനന്ദനം സോമനാഥിന് മറക്കാനാവാത്ത അനുഭവമായി.
Goosebumps 🙌
— Rishi Bagree (@rishibagree) August 31, 2023
യാത്രക്കാരെ വരവേല്‍ക്കുന്നതിനിടയില്‍ എയര്‍ ഹോസ്റ്റസ് മൈക്കിലൂടെ രാജ്യത്തിന്റെ ഹീറോയായ ഐഎസ് ആര്‍ഒ ചെയര്മാന് സോമനാഥിനെ വരവേല്‍ക്കാമെന്ന് അനൗണ്‍സ് ചെയ്തു. അപ്പോഴാണ് ആ ഫ്ളൈറ്റിലെ യാത്രക്കാരനായ സോമനാഥ് ഇക്കാര്യം അറിയുന്നത്. അമ്പരപ്പിനും ആശ്ചര്യത്തിനുമിടയില്‍ മറ്റൊരു എയര്‍ഹോസ്റ്റസ് അഭിനന്ദനസന്ദേശവും മധുരവും നല്‍കാനെത്തി. അപ്പോഴേക്കും ഫ്ലൈറ്റില്‍ യാത്ര ചെയ്യുന്ന എല്ലാവരും സോമനാഥിനെ അഭിനന്ദിച്ചുകൊണ്ട് കൈയ്യടിച്ചു.
ഇതിന്റെ വീഡിയോ ഇന്‍ഡിഗോ ഇന്‍സ്റ്റഗ്രാമില്‍ പങ്കുവെച്ചതോടെ വൈറലാവുകയും ചെയ്തു. ദേശത്തിന്റെ നായകര്‍ ഞങ്ങളുടെ ഫ്ലൈറ്റില്‍ യാത്ര ചെയ്യുന്നതില്‍ ഏറെ സന്തോഷമുണ്ടെന്ന അടിക്കുറിപ്പോടെയായിരുന്നു ഈ പോസ്റ്റ്.
പ്രതികരിക്കാൻ ഇവിടെ എഴുതുക: