കണ്ണൂര്‍: ക്ഷാമബത്ത സമയബന്ധിതമായി നല്‍കാത്തതില്‍ സംസ്ഥാന സര്‍ക്കാരിനെതിരെ രൂക്ഷ വിമര്‍ശനവുമായി പ്രഥമാധ്യാപകരുടെ സ്വതന്ത്ര സംഘടനയായ കേരള പ്രൈവറ്റ് പ്രൈമറി ഹെഡ് മാസ്റ്റേഴ്‌സ് അസോസിയേഷന്‍. കെപിപിഎച്ച്എയുടെ മുഖപത്രമായ ‘ഹെഡ്മാസ്റ്റര്‍’ മാസികയുടെ ആഗസ്ത് ലക്കത്തിലാണ് സര്‍ക്കാരിനും ഭരണാനുകൂല സര്‍വീസ് സംഘടനകള്‍ക്കുമെതിരെ ശക്തമായ പ്രതിഷേധം.
വിലക്കയറ്റ വിഷയത്തില്‍ പ്രതിപക്ഷത്തിരുന്നപ്പോള്‍ ആവേശത്തോടെ ക്ഷാമബത്തയ്‌ക്ക് വേണ്ടി ശബ്ദമുയര്‍ത്തിയ നേതാക്കളാണ് ഇന്ന് ഭരണചക്രം തിരിക്കുന്നത്. ഓരോ വര്‍ഷവും കേന്ദ്ര സര്‍ക്കാര്‍ ജീവനക്കാര്‍ക്ക് അവരുടെ അടിസ്ഥാന ശമ്പളത്തിന്റെ നിശ്ചിത ശതമാനം ക്ഷാമബത്തയായി പ്രഖ്യാപിക്കും. സംസ്ഥാന സര്‍ക്കാരുകളും സമാനമായ നിരക്കിലോ മാറ്റങ്ങളോടെയോ നടപ്പിലാക്കും, ഇതാണ് കീഴ്വഴക്കം.
പതിനൊന്നാം ശമ്പളക്കമ്മിഷന്‍ ശിപാര്‍ശ 2019 ല്‍ നടപ്പാക്കിയെങ്കിലും 2020 ജനുവരി ഒന്ന് മുതലുള്ള നാല് ശതമാനവും 2020 ജൂലായ് ഒന്ന് മുതലുള്ള മൂന്നു ശതമാനവും ചേര്‍ത്ത് അനുവദിച്ച ഏഴ് ശതമാനം ക്ഷാമബത്ത മാത്രമാണ് മൂന്നു വര്‍ഷമായി സംസ്ഥാന ജീവനക്കാര്‍ക്കും അദ്ധ്യാപകര്‍ക്കും കിട്ടുന്നത്. ഇതിനപ്പുറം ഒരു ഗഡു ക്ഷാമബത്ത പോലും സംസ്ഥാന സര്‍ക്കാര്‍ അനുവദിച്ചിട്ടില്ല.
2021 ജനുവരി മുതല്‍ 2023 ജനുവരി വരെയുള്ള കാലയളവില്‍ കേന്ദ്രം അനു
വദിച്ച അഞ്ച് ഗഡു ക്ഷാമബത്തയും ജൂലൈ മാസത്തില്‍ ഉത്തരവായ ഒരു ഗഡു ക്ഷാമബത്തയും കൂട്ടിച്ചേര്‍ത്ത് കണക്കാക്കിയാല്‍ കുടിശ്ശിക മാത്രം പതിനൊ
ന്ന് ശതമാനമായി വര്‍ധിച്ചു. പതിനൊന്നാം ശമ്പള പരിഷ്‌കരണക്കുടിശ്ശികയും അര്‍ഹരായവര്‍ക്ക് നിഷേധിച്ചിരിക്കുന്നുവെന്നതും ലേഖനത്തില്‍ വിമര്‍ശിക്കപ്പെടുന്നു.
കേരള സര്‍ക്കാര്‍ പിന്നെയും പിന്നെയും കടമെടുക്കുകയും കടമെടുക്കല്‍ പരിധി വര്‍ദ്ധിപ്പിക്കാത്തതിന് കേന്ദ്ര സര്‍ക്കാരിനെ പഴി പറയുകയും ചെയ്യുന്നതും പ്രഥമാദ്ധ്യാപകരുടെ സംഘടന വിമര്‍ശന വിധേയമാക്കുന്നുണ്ട്.
ക്ഷാമബത്ത: വിമര്‍ശനവുമായി പ്രഥമാധ്യാപക സംഘടന
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.