പുതുക്കാട്: പുതുക്കാട് സിഗ്‌നല്‍ ജംഗ്ഷനില്‍ ബ്രേയ്ക്ക് നഷ്ടപ്പെട്ട ക്വാളിസ് ദേശീയപാതയോരത്തേക്ക് പാഞ്ഞുകയറി. തൃശൂര്‍ ഭാഗത്തേക്കുള്ള ബസ് സ്റ്റോപ്പിന് സമീപം ഇന്നലെ ഉച്ചക്ക് രണ്ടരയോടെയാണ് അപകടം. സിഗ്‌നലില്‍ നിര്‍ത്തുന്നതിനായി ശ്രമിക്കുന്നതിനിടെ വാഹനം ബ്രേയ്ക്ക് നഷ്ടപ്പെട്ട് പാതയോരത്ത് സ്ഥാപിച്ച റെയില്‍വേയുടെ ദിശാബോര്‍ഡില്‍ വന്നിടിക്കുകയായിരുന്നു. നിയന്ത്രണം വിട്ട വാഹനം വരുന്നത് കണ്ട് വഴിയാത്രക്കാര്‍ ഓടിമാറിയതിനാല്‍ വന്‍ദുരന്തം ഒഴിവായി. എരുമേലിയില്‍ നിന്ന് പാലക്കാട്ടേക്ക് പോയ കുട്ടികളും സ്ത്രീകളും സഞ്ചരിച്ച വാഹനമാണ് അപകടത്തില്‍പ്പെട്ടത്. യാത്രക്കാര്‍ പരിക്കേല്‍ക്കാതെ രക്ഷപ്പെട്ടു. അപകടത്തില്‍ ദിശാബോര്‍ഡില്‍ കുടുങ്ങിയ വാഹനം നാട്ടുകാര്‍ ചേര്‍ന്നാണ് നീക്കിയത്.
ബ്രേയ്ക്ക് നഷ്ടപ്പെട്ട വാഹനം ദേശീയപാതയോരത്തേക്ക് പാഞ്ഞുകയറി
ബ്രേയ്ക്ക് നഷ്ടപ്പെട്ട ക്വാളിസ് ദേശീയപാതയോരത്തേക്ക് പാഞ്ഞുകയറിയ നിലയില്‍
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: