ജമ്മു: കല്യാണ്‍ ജൂവലേഴ്‌സിന്റെ 200 ാമത് ഷോറൂം ജമ്മുവില്‍ ബോളിവുഡ് സൂപ്പര്‍താരം ഹൃത്വിക് റോഷന്‍ ഉദ്ഘാടനം ചെയ്തു. ജമ്മുവിലെ ആദ്യ ഷോറൂമാണിത്.
കല്യാണ്‍ ജൂവലേഴ്‌സ് എംഡി ടി.എസ്. കല്യാണരാമന്‍, എക്‌സി. ഡയറക്ടര്‍മാരായ രാജേഷ് കല്യാണരാമന്‍, രമേഷ് കല്യാണരാമന്‍, കല്യാണ്‍ ഡവലപ്പേഴ്‌സ് എംഡി ആര്‍. കാര്‍ത്തിക് എന്നിവരും ചടങ്ങില്‍ പങ്കെടുത്തു. ലോകോത്തര നിലവാരത്തിലുള്ള ആഡംബരപൂര്‍ണമായ ഷോപ്പിംഗ് അനുഭവവും വിപുലമായ ആഭരണ രൂപകല്‍പനകളുമാണ് ഇവിടെ ഒരുക്കിയിരിക്കുന്നത്.
താരതമ്യമില്ലാത്ത ഷോപ്പിംഗ് അനുഭവം ഉപഭോക്താക്കള്‍ക്ക് ലഭ്യമാക്കുന്നതിനുള്ള കല്യാണ്‍ ജൂവലേഴ്‌സിന്റെ പ്രതിബദ്ധതയുടെ നിദാനമാണ് ജമ്മു ഷോറൂമെന്ന് ഹൃത്വിക് റോഷന്‍ പറഞ്ഞു. ഇ – കൊമേഴ്‌സ് പ്ലാറ്റ്‌ഫോമായ കാന്‍ഡിയറിന്റെ ഇന്ത്യയിലെ മൂന്നാമത്തെ എക്‌സ്പീരിയന്‍സ് സെന്ററിനും ജമ്മുവില്‍ തുടക്കമിട്ടു. സവിശേഷമായ ആഭരണങ്ങള്‍ നിര്‍മിക്കുക മാത്രമല്ല, രാജ്യത്തെങ്ങുമുള്ള ഉപയോക്താക്കളുമായി നിധി പോലെയുള്ള ബന്ധം കാത്തുസൂക്ഷിക്കുകയെന്ന പ്രതിബദ്ധതയുടെ കൂടി നിദര്‍ശനമാണ് 200 ാമത് ഷോറൂമെന്ന നാഴികക്കല്ലെന്ന് ടി.എസ്. കല്യാണരാമന്‍ പറഞ്ഞു.
സെലിബ്രേറ്റിംഗ് 200 ഷോറൂംസ് എന്ന കാമ്പെയിന്റെ ഭാഗമായി എല്ലാ സ്വര്‍ണാഭരണങ്ങള്‍ക്കും പണിക്കൂലിയില്‍ 25 ശതമാനം വരെ ഇളവുമുണ്ട്. ഉത്തരാഖണ്ഡിലെ ഡെറാഡൂണിലും ബിഹാറിലെ പാറ്റ്‌ന, അറാ എന്നിവിടങ്ങളിലും പുതിയ ഷോറൂമുകള്‍ ആരംഭിക്കുമെന്ന് അദ്ദേഹം പറഞ്ഞു.
