കൊച്ചി: എറണാകുളം കൂത്താട്ടുകുളത്ത് പെണ്കുട്ടിയെ വെട്ടി പരിക്കേല്പ്പിച്ച ശേഷം പ്രതി ജീവനൊടുക്കി. കൂത്താട്ടുകുളം ഇലഞ്ഞിയില് ആണ് സംഭവമുണ്ടായത്.പെണ്കുട്ടിയുടെ നില ഗുരുതരമാണ്.
പെണ്കുട്ടിയുടെ പിതാവിന്റെ സഹോദരന് ആണ് തൂങ്ങി മരിച്ചത്. പ്രതിക്കായി പൊലീസ് പരിശോധന നടത്തുന്നതിനിടെയാണ് വീടിനു സമീപമുളള റബര് തോട്ടത്തില് മൃതദേഹം കണ്ടെത്തിയത്. പെണ്കുട്ടിയുടെ പരാതിയില് പ്രതിക്കെതിരെ കഴിഞ്ഞ വര്ഷം പോക്സോ കേസ് എടുത്തിരുന്നു.
കേസെടുത്തതുമായി ബന്ധപ്പെട്ട് ഇരുവരും തമ്മില് തര്ക്കമുണ്ടായിരുന്നു. ഇതിലുള്ള വൈരാഗ്യമാണ് ആക്രമണത്തിന് പ്രതിയെ പ്രേരിപ്പിച്ചതെന്ന് പൊലീസ് പറയുന്നു. തലയ്ക്ക് ഗുരുതരമായി പരിക്കേറ്റ പെണ്കുട്ടി കോട്ടയം മെഡിക്കല് കോളേജില് ചികിത്സയിലാണ്.
