തമിഴ് സിനിമയിലെ സൂപ്പര്‍ താരം സൂര്യ സിരുത്തൈ ശിവയുടെ വരാനിരിക്കുന്ന കങ്കുവ എന്ന ചിത്രം പൂര്‍ത്തിയാക്കി. താരം അടുത്തിടെ ചെന്നൈയില്‍ തന്റെ പിറന്നാള്‍ ദിനത്തില്‍ രക്തം ദാനം ചെയ്ത ആരാധകരെ കാണുകയും നന്ദി അറിയിക്കുകയും ചെയ്തു.
ഇതിനിടെയാണ് താന്‍ മുംബൈയില്‍ സ്ഥിരതാമസമാക്കിയെന്ന വാര്‍ത്ത ശരിയല്ലെന്ന് താരം വ്യക്തമാക്കിയത്. ”ഞാന്‍ മുംബൈയില്‍ സ്ഥിരതാമസമാക്കിയെന്നാണ് സാമൂഹ്യ മാധ്യമങ്ങളില്‍ പറയുന്നത്. അങ്ങനെ ഒന്നുമില്ല. രണ്ടു മക്കളും മുംബൈയില്‍ പഠിക്കുന്നു. അവരെ കാണാന്‍ വേണ്ടി മാത്രമാണ് ഞാന്‍ അവിടെ പോകുന്നത്. എന്തായാലും ഞാന്‍ ചെന്നൈയിലാണ്.’
കങ്കുവ സംവിധാനം ചെയ്യുന്നത് ശിവയാണ്. യുവി ക്രിയേഷന്‍സും സ്റ്റുഡിയോ ഗ്രീനും പങ്കാളികളായ ചിത്രത്തില്‍ ദിഷ പടാനിയും അഭിനയിക്കുന്നുണ്ട്. ദേവി ശ്രീ പ്രസാദാണ് സംഗീതം ഒരുക്കിയിരിക്കുന്നത്.
തമിഴ്, തെലുങ്ക്, മലയാളം, കന്നഡ, ഹിന്ദി, ഇംഗ്ലീഷ് എന്നീ ഭാഷകളില്‍ ചിത്രം പുറത്തിറങ്ങും.മറ്റ് നാല് ഭാഷകളില്‍ കൂടി ചിത്രം പുറത്തിറങ്ങുമെന്ന് വാര്‍ത്തയുണ്ട്.ചിത്രം ഇപ്പോള്‍ നിര്‍മ്മാണത്തിലാണ്. നിര്‍മ്മാതാക്കള്‍ പ്രോജക്റ്റിനെക്കുറിച്ചുള്ള കൂടുതല്‍ വിവരങ്ങള്‍ സമീപഭാവിയില്‍ വെളിപ്പെടുത്തും.
