കോഴിക്കോട്: പ്രശസ്ത മാപ്പിളപ്പാട്ട് ഗായിക വിളയില് ഫസീല അന്തരിച്ചു. 63 വയസായിരുന്നു. ഹൃദയാഘാതത്തെത്തുടര്ന്നായിരുന്നു അന്ത്യം. കോഴിക്കോട് വെള്ളിപ്പറമ്പിലെ വീട്ടില് വച്ചായിരുന്നു അന്ത്യം.
80കളില് ഗായകന് വി എം കുട്ടിയോടൊപ്പം മാപ്പിളപ്പാട്ട് വേദികളില് തരംഗം സൃഷ്ടിച്ച പാട്ടുകാരിയായിരുന്നു ഫസീല. വിളയില് വത്സല എന്ന പേരിലാണ് ആദ്യകാലത്ത് അറിയപ്പെട്ടിരുന്നത്. മൈലാഞ്ചി, 1921 എന്നീ സിനിമകളില് പാടിയിട്ടുണ്ട്.
