കാഞ്ഞാണി: അന്തിക്കാട് കെജിഎം എല്.പി. സ്കൂളിലെ നാലാം ക്ലാസ് വിദ്യാര്ത്ഥികള് പഠനത്തിന്റെ ഭാഗമായി പോലീസ് സ്റ്റേഷന് സന്ദര്ശിച്ചു. പോലീസിനെയും അവര് ഉപയോഗിക്കുന്ന ഉപകരണങ്ങളെക്കുറിച്ചും ചോദിച്ചു മനസിലാക്കി.
നൂറോളം പേരടങ്ങിയ സംഘം പോലീസിന്റെ വയലര്സ് സെറ്റ്, തോക്ക്, ലാത്തി, വിലങ്ങ്, ലോക്കപ്പ്, തൊണ്ടിമുറി തുടങ്ങിയവയെക്കുറിച്ചെല്ലാം ചോദിച്ചറിഞ്ഞു. 24 മണിക്കൂറും പ്രവര്ത്തിക്കുന്ന ജി.ഡി. സേവനം, വയര്ലസ് സംവിധാനം എന്നിവയെക്കുറിച്ച് അന്തിക്കാട് സിഐ പി.കെ. ദാസ്, വിപിന് എന്നിവര് കുട്ടികള്ക്ക് പറഞ്ഞുകൊടുത്തു. പ്രധാനാധ്യാപകന് ജോഷി ഡി. കൊള്ളന്നൂര്, അധ്യാപകരായ നബീല റഹ്മ, റോഷ്നി, ഷേര്ളി, ഷബ്ന, പിടിഎ പ്രസിഡന്റ് അബ്ദുള് ലത്തീഫ്, പിടിഎ എക്സി. അംഗം ഷഫീര് എന്നിവര് നേതൃത്വം നല്കി. സ്കൂള് ലീഡര് ആത്മിക നന്ദി പറഞ്ഞു.
