ചെന്നൈ: ഏഷ്യന് ചാമ്പ്യന്സ് ട്രോഫി ഹോക്കിയിലെ ആദ്യ മത്സരത്തില് തകര്പ്പന് ജയവുമായി ഇന്ത്യ. അയല്ക്കാരായ ചൈനയെ 7-2ന് തോല്പ്പിച്ചുകൊണ്ടാണ് ഇന്ത്യയുടെ തുടക്കം.
ടൂര്ണമെന്റിന്റെ ഉദ്ഘാടന ദിവസമായ ഇന്നലെ മൂന്നാം മത്സരമയിരുന്നു ഇന്ത്യയുടേത്. കളി തുടങ്ങി അഞ്ചാം മിനിറ്റില് ആദ്യ ഗോള് നേടി. പിന്നീട് കൃത്യമായ ഇടവേളകളില് ഇന്ത്യന് താരങ്ങള് ഗോളുകള് ഇട്ടുകൊണ്ടേയിരുന്നു. ഇന്ത്യയ്ക്കായി ഹര്മന്പ്രീത് സിങ്ങും വരുണ് കുമാറും ഇരട്ട ഗോളുകള് നേടി. സുഖ്ജീത് സിങ്, ആകാശ് ദീപ് സിങ്, മന്ദീപ് സിങ് എന്നിവര് ഇന്ത്യയ്ക്കായി ഗോളുകള് നേടി.
ഉദ്ഘാടന മത്സരത്തില് കൊറിയ ജപ്പാനെ തോല്പ്പിച്ചു. 2-1നായിരുന്നു കൊറിയയുടെ ജയം. ഇന്നലെ നടന്ന മറ്റൊരു മത്സരത്തില് മലേഷ്യ പാകിസ്ഥാനെയും തോല്പ്പിച്ചു. പാകിസ്ഥാന്റെ ഒന്നിനെതിരെ മൂന്ന് ഗോളുകള്ക്കാണ് മലേഷ്യ ജയിച്ചത്.
