ചെറുതുരുത്തി: നീന്തല്‍ പഠിക്കാനായി കുളത്തില്‍ ഇറങ്ങിയ വിദ്യാര്‍ത്ഥി മുങ്ങിമരിച്ചു. പുതുശ്ശേരി സ്വദേശി ചെറൂളിയില്‍ വീട്ടില്‍ മുസ്തഫയുടെ മകന്‍ ഇസ്മയില്‍ (15) ആണ് മരിച്ചത്. വൈകിട്ട് ആറരയോടെയാണ് അപകടം.
പുതുശ്ശേരി കോരാംപള്ളം പഞ്ചായത്ത് കുളത്തില്‍ കൂട്ടുകാരുമൊത്ത് നീന്തല്‍ പരിശീലിക്കുന്നതിനിടെ കുളത്തിലെ ആഴങ്ങളിലേക്ക് മുങ്ങിത്താഴുകയായിരുന്നു. ഷൊര്‍ണൂരില്‍ നിന്നും ഫയര്‍ഫോഴ്‌സ് എത്തിയാണ് കുട്ടിയെ കുളത്തില്‍ നിന്നും പുറത്തെടുത്തത്. ഉടന്‍ തന്നെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാന്‍ കഴിഞ്ഞില്ല. ചെറുതുരുത്തി ഗവ. ഹയര്‍ സെക്കന്‍ഡറി സ്‌കൂളിലെ 10 ാം ക്ലാസ് വിദ്യാര്‍ത്ഥിയാണ്. ചെറുതുരുത്തി പോലീസ് മേല്‍നടപടികള്‍ സ്വീകരിച്ചു.
