കുരുക്ഷേത്ര പ്രകാശന്റെ സംഘ ദര്‍ശനമാലിക ഗ്രന്ഥപരമ്പരയുടെ കോട്ടയം ജില്ലയിലെ പുസ്തക പ്രകാശനം കുരുക്ഷേത്ര പ്രകാശന്‍ എംഡി കാഭാ സുരേന്ദ്രന്‍ ചാക്യാര്‍കൂത്ത് കലാകാരന്‍ പൊതിയില്‍ നാരായണ ചാക്യാര്‍ക്ക് നല്കി നിര്‍വഹിക്കുന്നു
കോട്ടയം: കുരുക്ഷേത്ര പ്രകാശന്റെ സംഘ ദര്‍ശനമാലിക ഗ്രന്ഥപരമ്പരയുടെ കോട്ടയം ജില്ലയിലെ പുസ്തക പ്രകാശനം കുരുക്ഷേത്ര പ്രകാശന്‍ എംഡി കാഭാ സുരേന്ദ്രന്‍ ചാക്യാര്‍കൂത്ത് കലാകാരന്‍ പൊതിയില്‍ നാരായണ ചാക്യാര്‍ക്ക് നല്കി നിര്‍വഹിച്ചു.
മാങ്ങാനം പൊതിയില്‍ ഗുരുകുലത്തില്‍ നടന്ന ചടങ്ങില്‍ തപസ്യ ജില്ല സംഘടനാ സെക്രട്ടറി ബിബിരാജ്, കര്‍ഷകമോര്‍ച്ച ജില്ലാ ട്രഷറര്‍ മഹേഷ് താമരശ്ശേരി, ബിജെപി വിജയപുരം മണ്ഡലം വൈസ് പ്രസിഡന്റ് രാജേഷ് ചെറിയമഠം തുടങ്ങിയവര്‍ സംസാരിച്ചു. കോട്ടയം ജില്ലാ പ്രചാര്‍ വിഭാഗമാണ് പരിപാടി സംഘടിപ്പിച്ചത്.
ഗുരുജിയുടെ ആര്‍എസ്എസ്: ദര്‍ശനവും ദൗത്യവും, ദീനദയാല്‍ ഉപാധ്യായുടെ വികസനത്തിന്റെ പുത്തന്‍പാത, ഏകാത്മമാനവദര്‍ശനം, ദത്തോപന്ത് ഠോംഗഡിയുടെ ആര്‍എസ്എസ്: ദര്‍ശനവും പ്രയോഗവും, വിപ്ലവത്തിന് ഒരു മൂന്നാം വഴി, ബാലാ സാഹിബ് ദേവറസിന്റെ സംഘവും സ്വതന്ത്രഭാരതവും, സുനില്‍ അംബേകര്‍ രചിച്ച ആര്‍എസ്എസ്: ഇരുപത്തൊന്നാംശതകത്തിന് ഒരു മാര്‍ഗ്ഗരേഖ, ഡോ. മോഹന്‍ ഭഗവതിന്റെ ആര്‍എസ്എസ്: വര്‍ത്തമാനവും ഭാവിയും എന്നിവയാണ് ഈ പരമ്പരയുടെ ആദ്യഘട്ടത്തിലുള്ളത്.
സംഘചിന്തയുടെ തത്ത്വവും പ്രയോഗവും ചരിത്രപരിണാമങ്ങളും ലളിതമായി വിശദീകരിക്കുന്ന അടിസ്ഥാന പഠനഗ്രന്ഥമാണിത്.
പ്രതികരിക്കാൻ ഇവിടെ എഴുതുക