തിരുവനന്തപുരം: ഏക സിവില് കോഡിന്റെ ചര്ച്ചക്കല്ല സിപിഎം ശ്രമിക്കുന്നത്. മുസ്ലിം ലീഗിനെ ഇടത്തോട്ടേക്കും വലത്തോട്ടേക്കും വലിച്ച് കുരുക്ക് മുറുക്കുന്ന വടം വലി മത്സരമാണ് ഇപ്പോള് നടക്കുന്നതെന്ന് ബിജെപി സംസ്ഥാന വൈസ് പ്രസിഡന്റ് അഡ്വ. ബി. ഗോപാലകൃഷ്ണന് പറഞ്ഞു.
എം.വി ഗോവിന്ദന് നീട്ടിയ അപ്പം കഴിക്കേണ്ടന്ന ലീഗിന്റെ തീരുമാനം വിവേകമാണങ്കിലും സിവില് കോഡിന് അനുകൂലമായി മുസ്ലീം സ്ത്രീകളുടെ സമ്മര്ദ്ദം ലീഗിനുണ്ടന്ന കാര്യം വ്യക്തമാണ്. അന്തരിച്ച സിപിഎം നേതാവ് ഇഎംഎസ് നമ്പൂരിപാട് പറഞ്ഞത് കൃത്യമാണ് പക്ഷെ ഞങ്ങള് തയ്യാറല്ല എന്ന സമീപമാണ് ഗോവിന്ദന്റെത്. സമയമായിട്ടല്ല പോലും ഇഎംഎസ് മറ്റൊന്ന് കൂടി പറഞ്ഞിട്ടുണ്ട് അതും കൃത്യമാണ്.
സതിയും ശൈശവ വിവാഹവും നിര്ത്തലാക്കിയത് ആരുടേയും സമ്മതം ചോദിച്ചിട്ടല്ലന്നും അതുപോലെ പൊതു സിവില് കോഡ് നടപ്പാക്കണമെന്നും ഇഎംഎസ് പറഞ്ഞിട്ടുണ്ട്. ഇതിനെ കുറിച്ച് എം.വി.ഗോവിന്ദന് എന്ത് പറയാനുണ്ട്. പടച്ചോന് നിര്മ്മിച്ചത് പടച്ചോര്ക്ക് മാറ്റാന് പറ്റില്ലന്ന് പറഞ്ഞ എ.കെ.ബാലന് ശരിയത്ത് ക്രിമിനല് നിയമം വേണമെന്നാണൊ പറയുന്നതെന്നും ബി. ഗോപാലകൃഷ്ണന് ചോദിക്കുന്നു.
പിണറായി സര്ക്കാരിനെതിരെ ഉയര്ന്ന അഴിമതി ആരോപണങ്ങള് യൂണിഫോം സിവില് കോഡിനെ മറയാക്കി ഒതുക്കാനാണ് സിപിഎം ഉണ്ടാക്കുന്ന ഈ സെമിനാര് കോലാഹലം. നീതിയ്ക്ക് മതവും ജാതിയുമില്ല. തുല്യ നീതി ഉറപ്പാക്കാന് തെരുവില് ചുംബന സമരം നടത്തിയവര് മന്ത്രിസഭയിലുള്ളപ്പോള് തുല്യ നീതി വിഭാവനം ചെയ്യുന്ന പൊതു നിയമത്തെ സിപിഎം എതിര്ക്കുന്നത് അപലപനീയമാണെന്ന് അദേഹം പറഞ്ഞു.
പൊതു സിവില് കോഡിന്റെ ഡ്രാഫ്റ്റ് പോലുമാകാത്ത സാഹചര്യത്തിലാണ് സിപിഎം സെമിനാര് സംഘടിപ്പിക്കുന്നത് വിചിത്രമാണ്. സിപിഎമ്മിന് ധൈര്യവും ആത്മാര്ത്ഥതയും ഉണ്ടെങ്കില് ബിജെപിയുമായി സംവാദത്തിന് തയ്യാറാകണം, അതിന് തയ്യാറല്ലങ്കില് സിപിഎമ്മിന്റെ രാഷ്ട്രീയക്കളി നിര്ത്തണമെന്നും അദേഹം വ്യക്തമാക്കി.
എല്ലാവര്ക്കും തുല്യ നീതി പ്രദാനം ചെയ്യാന് ഭരണഘടനപരമായ ദൗത്യം നിര്വ്വഹിക്കാന് കേന്ദ്ര സര്ക്കാര് ശ്രമിക്കുമ്പോള് സമൂഹത്തില് ഭിന്നത ഉണ്ടാക്കാനാണ് സിപിഎം ശ്രമിക്കുന്നത്. ഇത് തീ കൊള്ളി കൊണ്ട് തല ചെറിയുന്ന സമീപനമാണ്. ഗുരുതര ഭവിഷ്യത്താണ് ഇത് സൃഷ്ട്രിക്കുകയെന്ന് സിപിഎം തിരിച്ചറിയണം. മുസ്ലിം ലീഗിനെ കൂടെ കൂട്ടാനുള്ള സിപിഎം നേതൃത്വത്തിന്റെ വര്ഗ്ഗീയ ശ്രമം പാര്ട്ടിയിലെ ഹിന്ദുക്കള് തിരിച്ചറിയുന്ന കാലം വിദൂരമല്ലെന്നും ഗോപാലകൃഷ്ണന് പറഞ്ഞു.
