ഗോരഖ്പൂര്: വെറുമൊരു സംഘടന മാത്രമല്ല, ജീവിക്കുന്ന വിശ്വാസമാണ് ഗീതാ പ്രസ്സ് ലോകത്തിലെ ഏക പ്രിന്റിംഗ് പ്രസ്സെന്ന് ഗോരഖ്പൂരിലെ ഗീതാ പ്രസിന്റെ ശതാബ്ദി ആഘോഷത്തില് പങ്കെടുത്ത് പ്രധാനമന്ത്രി നരേന്ദ്ര മോദി പറഞ്ഞു.
ഗീതാ പ്രസ്സ് ഒരു അച്ചടിശാല മാത്രമല്ല, കോടിക്കണക്കിന് ആളുകളുടെ ക്ഷേത്രമാണ്. ഗീതാ പ്രസ് 100 വര്ഷം പൂര്ത്തിയാക്കുന്ന വേളയില്, കേന്ദ്രസര്ക്കാര് ഗീതാ പ്രസിന് ഗാന്ധി സമാധാന പുരസ്കാരം നല്കി. 1923ല് ആരംഭിച്ച ഗീതാ പ്രസ്സ് ഇവിടെ പ്രകാശിച്ച ആത്മീയ വെളിച്ചം, ഇന്ന് അതിന്റെ വെളിച്ചം മുഴുവന് മനുഷ്യരാശിക്കും വഴികാട്ടിയാണെന്നും അദ്ദേഹം പറഞ്ഞു.
100 വര്ഷം മുമ്പ് കൊളോണിയല് ശക്തികള് ഇന്ത്യയെ ചൂഷണം ചെയ്തു. നമ്മുടെ ഗുരുകുലങ്ങള് നശിപ്പിക്കപ്പെട്ടു. നമ്മുടെ പ്രിന്റിംഗ് പ്രസിന് അതിന്റെ ഉയര്ന്ന വില കാരണം എല്ലാ പൗരന്മാരിലും എത്താന് കഴിയാതെ വന്നപ്പോള് ഗീതാ പ്രസ്സ് വഴികാട്ടിയായി. ഈ സംഘടനയുടെ ശതാബ്ദി ആഘോഷങ്ങള്ക്ക് സാക്ഷ്യം വഹിക്കാന് സന്തോഷമുണ്ടെന്നും അദേഹം പറഞ്ഞു.
ഇന്ന് ഇന്ത്യ വികസനത്തിന്റെ പുതിയ ഉയരങ്ങളിലെത്തുകയാണ്. അടിമത്തത്തിന്റെ മാനസികാവസ്ഥയില് നിന്ന് സ്വതന്ത്രരാകാനും നമ്മുടെ പൈതൃകത്തില് അഭിമാനം കൊള്ളാനുമുള്ള സമയമാണിത്. ഗോരഖ്പൂര് റെയില്വേ സ്റ്റേഷന്റെ ചിത്രങ്ങള് സോഷ്യല് മീഡിയയില് പങ്കുവെച്ച നിമിഷം മുതല് ആളുകള് അമ്പരന്നു പോയെന്നും മോദി പറഞ്ഞു. ഒരു റെയില്വേ സ്റ്റേഷന് ഇങ്ങനെ വികസിപ്പിക്കാന് കഴിയുമെന്ന് അവര് ഒരിക്കലും കരുതിയിരുന്നില്ല.
1923ല് സ്ഥാപിതമായ ഗീതാ പ്രസ്സ് ലോകത്തിലെ ഏറ്റവും വലിയ പ്രസാധകരില് ഒന്നാണ്, 16.21 കോടി ശ്രീമദ് ഭഗവദ് ഗീതകള് ഉള്പ്പെടെ 14 ഭാഷകളിലായി 41.7 കോടി പുസ്തകങ്ങള് പ്രസിദ്ധീകരിച്ചിട്ടുണ്ട്. പ്രധാനമന്ത്രി നരേന്ദ്ര മോദി അധ്യക്ഷനായ ജൂറി ഗൊരഖ്പൂരിലെ ഗീതാ പ്രസ് ഗാന്ധി സമാധാന പുരസ്കാരത്തിന് തിരഞ്ഞെടുക്കാന് ഏകകണ്ഠമായി തീരുമാനിച്ചതായി സാംസ്കാരിക മന്ത്രാലയം പുറത്തിറക്കിയ പ്രസ്താവനയില് പറയുന്നു.
