ന്യൂദൽഹി: 62500 കോടി രൂപയുടെ ബജറ്റ് വിഹിതമുള്ള വമ്പൻ മൊബൈല ഫോൺ നിർമ്മാണ പദ്ധതിക്ക് കേന്ദ്ര മന്ത്രിസഭയുടെ അംഗീകാരം. ഇന്ന് പ്രധാനമന്ത്രിയുടെ അദ്ധ്യക്ഷതയിൽ ചേർന്ന യോഗത്തിലാണ് തീരുമാനം.
പദ്ധതിയുടെ പ്രധാന സവിശേഷതകളിൽ ചിലത്:
– ഉൽപ്പാദനം കൂടുതൽ വർദ്ധിപ്പിക്കുന്നതിനും, ആഭ്യന്തര മൂല്യവർദ്ധനവ് വർദ്ധിപ്പിക്കുന്നതിനും, വിതരണ ശൃംഖലയുടെ പ്രതിരോധശേഷി ശക്തിപ്പെടുത്തുന്നതിനും, ആഗോള മത്സരശേഷി വർദ്ധിപ്പിക്കുന്നതിനുമായാണ് സർക്കാരിന്റെ ഈ മൊബൈൽ ഫോൺ നിർമ്മാണ പദ്ധതി (എംപിഎംഎസ്)
– സാങ്കേതിക പരമാധികാരം കൈവരിക്കുന്നതിനും, വലിയ സാമ്പത്തിക മൂല്യം കൈവരിക്കുന്നതിനും, ഡിസൈൻ, ഗവേഷണ വികസനം എന്നിവയിൽ ഭാരതത്തിന്റെ പേറ്റന്റുകൾ സൃഷ്ടിക്കുന്നതിനും ഭാരത ബ്രാൻഡുകൾ കെട്ടിപ്പടുക്കുന്നതിനും എംപിഎംഎസ് പദ്ധതി ലക്ഷ്യമിടുന്നു.
– പദ്ധതിയുടെ കാലാവധി 5 വർഷമായിരിക്കും, അതായത് 2026 – 27 സാമ്പത്തിക വർഷം മുതൽ 2030ഫ 31 സാമ്പത്തിക വർഷം വരെ.
– 2.25% മുതൽ 5% വരെയുള്ള വ്യത്യസ്ത നിരക്കുകളിൽ ഭാരതത്തിൽ മൊബൈൽ ഫോണുകൾ നിർമ്മിക്കുന്നതിനുള്ള യോഗ്യതയുള്ള വിൽപ്പനയ്‌ക്ക് ഈ പദ്ധതി പ്രോത്സാഹന പിന്തുണ നൽകുന്നു. പ്രധാന ഘടകങ്ങൾ/ഉപ അസംബ്ലികൾ എന്നിവയുടെ ആഭ്യന്തര ഉറവിടവുമായി ബന്ധിപ്പിച്ച് 1.5% വരെ അധിക പ്രോത്സാഹനവും പദ്ധതി നൽകുന്നു. ഭാരത ബ്രാൻഡുകൾ നിർമ്മിക്കുന്നതിന്, ഉൽപ്പന്നത്തിന്റെ രൂപകൽപ്പനയ്‌ക്കും ഗവേഷണ വികസനത്തിനുമുള്ള അർഹമായ വിൽപ്പനയിൽ 3% അധിക പ്രോത്സാഹനം.
പദ്ധതികൊണ്ട് പ്രതീക്ഷിക്കുന്ന തിൽ ചിലത് ഇവയാണ്:
– പദ്ധതി കാലയളവിൽ, രാജ്യത്തെ മൊത്തത്തിലുള്ള മൊബൈൽ ഫോൺ ഉൽപ്പാദനം ഏകദേശം 39 ലക്ഷം കോടി രൂപയിലെത്തുമെന്ന് പ്രതീക്ഷിക്കുന്നു.
– മൊബൈൽ ഫോണുകളുടെ കയറ്റുമതിയിൽ ഗണ്യമായ വർദ്ധനവുണ്ടാകും.
– ഈ പദ്ധതി ഏകദേശം 60,000 നേരിട്ടുള്ള തൊഴിലവസരങ്ങൾ സൃഷ്ടിക്കും.
– അതുവഴി സാമ്പത്തിക വളർച്ചയ്‌ക്കും തൊഴിലവസരങ്ങൾ സൃഷ്ടിക്കുന്നതിനും ആഗോള ഇലക്ട്രോണിക്‌സ് നിർമ്മാണ കേന്ദ്രത്തിൽ ഭാരതത്തിന്റെ സ്ഥാനം ശക്തിപ്പെടുത്തുന്നതിനും കാരണമാകും.
പ്രധാനമന്ത്രിയുടെ മെയ്‌ക്ക് ഇൻ ഇന്ത്യ ദർശനം 2014- 15 സാമ്പത്തിക വർഷം മുതൽ ഇലക്ട്രോണിക്‌സ് നിർമ്മാണം 7 മടങ്ങും കയറ്റുമതി 11 മടങ്ങും വളരാൻ കാരണമായി. ഇലക്ട്രോണിക്‌സ് നിർമ്മാണ മേഖല ഒരു പ്രധാന തൊഴിൽദാതാവായി ഉയർന്നുവന്നിട്ടുണ്ട്, പ്രത്യേകിച്ച് വിദൂര ഗ്രാമങ്ങളിൽ നിന്നുള്ള യുവാക്കൾക്കും സ്ത്രീകൾക്കും, 5,000ത്തിലധികം ജീവനക്കാരെ ഒരേ സ്ഥലത്ത് ജോലി ചെയ്യുന്ന ചില പ്ലാന്റുകൾ മാത്രമേയുള്ളൂ.
മൊബൈൽ ഫോൺ നിർമ്മാണം ഈ വളർച്ചയുടെ പ്രധാന ചാലകശക്തിയാണ്, കൂടാതെ ഭാരതത്തിന്റെ ഇലക്ട്രോണിക്‌സ് നിർമ്മാണ ആവാസവ്യവസ്ഥയുടെ നങ്കൂരമായും ഉയർന്നുവന്നിട്ടുണ്ട്. ഭാതം ഇപ്പോൾ ലോകത്തിലെ രണ്ടാമത്തെ വലിയ മൊബൈൽ ഫോൺ നിർമ്മാതാക്കളാണ്, ഭാരതത്തിൽ ഉപയോഗിക്കുന്ന മൊബൈൽ ഫോണുകളുടെ 99.2% വും ആഭ്യന്തരമായി നിർമ്മിക്കുന്നവയാണ്.
ഡീസൽ ഇന്ധനം, കട്ട് ഡയമണ്ട്‌സ് തുടങ്ങിയ പരമ്പരാഗത മുൻനിര കയറ്റുമതി ഇനങ്ങളെ മറികടന്ന് 2025 ൽ ഭാരതത്തിൽ നിന്നുള്ള ഏറ്റവും വലിയ ഒറ്റ കയറ്റുമതി ഉൽപ്പന്ന വിഭാഗമായി സ്മാർട്ട്‌ഫോണുകൾ ഉയർന്നുവന്നു. ഭാരതത്തിന്റെ ഇലക്ട്രോണിക്‌സ് ഉൽപ്പാദനത്തിലും കയറ്റുമതിയിലും മൊബൈൽ ഫോണുകൾ ഇപ്പോൾ ഒരു പ്രധാന പങ്ക് വഹിക്കുന്നു, കൂടാതെ ആഗോള മൂല്യ ശൃംഖലകളിൽ ഇന്ത്യയുടെ സ്ഥാനം ശക്തിപ്പെടുത്തുന്നതിൽ അവ നിർണായക പങ്ക് വഹിക്കുന്നു.
ലാർജ് സ്‌കെയിൽ ഇലക്ട്രോണിക്‌സ് മാനുഫാക്ചറിംഗിനുള്ള പ്രൊഡക്ഷൻ ലിങ്ക്ഡ് ഇൻസെന്റീവ് സ്‌കീം (ജഘകഘടഋങ) ഇന്ത്യയെ മൊബൈൽ നിർമ്മാണത്തിനും കയറ്റുമതിക്കുമുള്ള ഒരു ആഗോള കേന്ദ്രമായി സ്ഥാപിക്കുന്നതിൽ പരിവർത്തനാത്മക പങ്ക് വഹിച്ചിട്ടുണ്ട്. ജഘകഘടഋങ ന്റെ കാലാവധി 2026 മാർച്ച് 31 ന് അവസാനിച്ചു.
