പാനൂര്: പുഴയില് കുളിക്കുന്നതിനിടയില് രണ്ട് വിദ്യാര്ത്ഥികള് ഒഴുക്കില്പ്പെട്ടു. ഒരാള് മരിച്ചു. വൈകിട്ടാണ് സംഭവം. ചെറുപ്പറമ്പ് ഫിനിക്സ് ലൈബ്രറിക്ക് പിറക് വശത്തെ ചേലക്കാട് പുഴയില് കുളിക്കുന്നതിനിടയിലാണ് അപകടം സംഭവിച്ചത്. കക്കോട്ട് വയല് രയരോത്ത് മുസ്തഫയുടെ മകന് സിനാന് (20), ജാതികൂട്ടം തട്ടാന്റവിട മൂസ്സയുടെ മകന് മുഹമ്മദ് ഷഫാദ് (20) എന്നിവരാണ് ഒഴുക്കില്പ്പെട്ടത്.
ഏറെ നേരത്തെ തിരച്ചിലിനിടയില് മുഹമ്മദ് ഷഫാദിനെ കണ്ടെത്തി. ഉടനെ ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല. സിനാന് വേണ്ടി തിരച്ചില് തുടരുകയാണ്. ദുരന്തനിവാരണ സേനയും മുങ്ങല് വിദഗ്ധരും സ്ഥലത്ത് എത്തിയിരുന്നു. നാട്ടുകാരും ഫയര്ഫോഴ്സും തിരച്ചില് നടത്തി. പ്രദേശത്ത് ശക്തമായ മഴയും ഇരുട്ടുമാണ്. പരിസരപ്രദേശത്തെ അഞ്ച് കുട്ടികള് കുളിക്കാന് വന്നതായിരുന്നു.
മുഹമ്മദ് ഷഫാദ് വഴുതി വീഴുകയായിരുന്നു. സിനാന് പിടിക്കാന് ഇറങ്ങിയതായിരുന്നു. രണ്ട് പേരും മുങ്ങുന്നത് കണ്ട് കൂടെയുള്ളവര് ഒച്ച വെക്കുകയായിരുന്നു. പരിസരവാസികള് എത്തിയാണ് രക്ഷാപ്രവര്ത്തനം നടത്തിയത്. നാട്ടുകാരും ഫയര്ഫോഴ്സ് ടീമും ഏറെനേരം രക്ഷാപ്രവര്ത്തനങ്ങള് നടത്തിയാണ് ഒരാളുടെ മൃതദേഹം കണ്ടെത്തിയത്. മരിച്ച മുഹമ്മദ് ഷഫാദ് കല്ലിക്കണ്ടി എന്എഎം കോളജ് മൂന്നാം വര്ഷ കമ്പ്യൂട്ടര് സയന്സ് വിദ്യാര്ത്ഥിയാണ്.
