മുംബയ്: സീനിയര് പുരുഷ ക്രിക്കറ്റ് സെലക്ഷന് കമ്മിറ്റി ചെയര്മാനായി അജിത് അഗാര്ക്കറെ നിയമിച്ചു. അജിത് അഗാര്ക്കര്, ശിവസുന്ദര് ദാസ്, സുബ്രതോ ബാനര്ജി, സലില് അങ്കോള, ശ്രീധരന് ശരത് എന്നിവരാണ് നിലവില് സെലക്ഷന് കമ്മിറ്റിയിലുള്ളത്.
ഇന്ത്യയുടെ മുന് ഓള്റൗണ്ടറായ അജിത് അഗാര്ക്കര് 26 ടെസ്റ്റുകളിലും 191 ഏകദിനങ്ങളിലും നാല് ടി 20 ഐകളിലും രാജ്യത്തെ പ്രതിനിധീകരിച്ചു. 2007 ല് ദക്ഷിണാഫ്രിക്കയില് നടന്ന ആദ്യ ടി20 ലോകകപ്പില് വിജയികളായ ഇന്ത്യന് ടീമിന്റെ ഭാഗമായിരുന്നു അഗാര്ക്കര്.
ഏകദിനത്തില് 21 പന്തില് നേടിയ ഏറ്റവും വേഗതയേറിയ അര്ദ്ധ സെഞ്ച്വറി എന്ന റെക്കോര്ഡ് ഇപ്പോഴും അഗാര്ക്കറുടെ പേരിലാണ്. ഏറ്റവും വേഗത്തില് 50 ഏകദിന വിക്കറ്റുകള് തികയ്ക്കുന്ന താരമെന്ന റെക്കോര്ഡും താരം സ്വന്തമാക്കി. വെറും 23 മത്സരങ്ങളില് നിന്ന് ഇത്.
