ഹരിപ്പാട്: 1.200 ഗ്രാം ഹെറോയിനും, 10 പൊതികളിലായി സൂക്ഷിച്ചിരുന്ന കഞ്ചാവ് ഉള്‍പ്പെടെ ഉള്ള ലഹരി പദാര്‍ത്ഥങ്ങളുമായി വെസ്റ്റ് ബംഗാള്‍ സ്വദേശികളായ റഫീക്ക് (29), (2)ഗിയാല്‍ (28) എന്നിവരെ ഹരിപ്പാട് പോലീസ് പിടികൂടി. ഇവര്‍ വില്പനയ്‌ക്കായി കൊണ്ടുപോകുന്ന വഴിയിലാണ് പിടികൂടിയത്.
ഒരു ഗ്രാം ഹെറോയിന് 4000 രൂപയ്‌ക്ക് ആണ് ഇവിടെ കച്ചവടം ചെയുന്നത്. ഇവരുടെ കുടുബം വെസ്റ്റ് ബംഗാളില്‍ പോയി തിരികെ വരുമ്പോഴാണ് ഈ ലഹരി പഥാര്‍ത്ഥങ്ങള്‍ കൊണ്ടുവരുന്നത്.സംശയം തോന്നാതിരിക്കാന്‍ കുട്ടികളിലൂടെയും, സ്ത്രീകളിലൂടെയുംമാണ് ഇവര്‍ നാട്ടില്‍ നിന്നും ലഹരി വസ്തുക്കള്‍ ട്രെയിനില്‍ കൊണ്ടുവരുന്നത്.
ഹെറോയിന് മില്ലി ഗ്രാം അളവിലാണ് ഇവിടെ വില്‍പ്പന നടത്തുന്നത്.മലയാളികള്‍ ഉള്‍പ്പെടെയുള്ളവര്‍ക്ക് വില്‍പ്പന നടത്തുമ്പോള്‍ കിട്ടുന്ന വന്‍ സാമ്പത്തിക നേട്ടമാണ് ഇവരുടെ ലക്ഷ്യം. എസ്‌ഐമാരായ ശ്രീകുമാര്‍, ഷൈജ, എസ്‌സിപിഒ കിഷോര്‍, സിപിഒമാരായ നിഷാദ്, സോജു, സോനു എന്നിവരടങ്ങുന്ന സംഘമാണു പ്രതികളെ പിടിച്ചത്.
