അയര്‍ക്കുന്നം: അയര്‍ക്കുന്നത്ത് പണിപൂര്‍ത്തിയാകാത്ത വീട്ടില്‍ നിന്നും പ്ലംബിങ് സാധനങ്ങള്‍ മോഷ്ടിച്ച കേസില്‍ മൂന്നു പേരെ പോലീസ് അറസ്റ്റ് ചെയ്തു. അയര്‍ക്കുന്നം അമയന്നൂര്‍ ചൂരനാനിക്കല്‍ ഭാഗത്ത് ശ്രീരാഗം വീട്ടില്‍ സൂരജ്. എസ് (42), അമയന്നൂര്‍ മുരിക്കുംന്താനം വീട്ടില്‍ രതീഷ് എം.എം (41), മുട്ടമ്പലം കച്ചുവേലിക്കുന്ന് ഭാഗത്ത് എട്ടുപറയില്‍ വീട്ടില്‍ ബിജു ഇ.കെ (46) എന്നിവരെയാണ് അയര്‍ക്കുന്നം പോലീസ് അറസ്റ്റ് ചെയ്തത്.
ഇവര്‍ കഴിഞ്ഞദിവസം അമയന്നൂര്‍ ഭാഗത്ത് വീട് പണി നടന്നുകൊണ്ടിരിക്കുന്ന വീട്ടില്‍ കയറി ബാത്ത്‌റൂമില്‍ സൂക്ഷിച്ചിരുന്ന 20,000 രൂപ വിലമതിക്കുന്ന പ്ലംബിങ് സാധനങ്ങള്‍ മോഷ്ടിച്ചു കൊണ്ടുപോവുകയായിരുന്നു. അയര്‍ക്കുന്നം സ്‌റ്റേഷന്‍ എസ്എച്ച്ഒ എ.എസ്.പി അശ്വതി ജിജി, എസ്‌ഐ സജി റ്റി.ലൂക്കോസ്, സുജിത്ത് കുമാര്‍, എഎസ്‌ഐ പ്രദീപ് കുമാര്‍, സിപിഒമാരായ സരുണ്‍ രാജ്, രമിത്ത്, ജിജോ ജോണ്‍ എന്നിവര്‍ ചേര്‍ന്നാണ് ഇവരെ അറസ്റ്റ് ചെയ്തത്.
