ഇന്ന് ബലി പെരുന്നാള്. ദൈവകല്പനയനുസരിച്ച് മകന് ഇസ്മയിലിനെ ബലി നല്കാന് തയ്യാറായ പ്രവാചകന്റെ ആത്മസമര്പ്പണത്തെ അനുസ്മരിച്ചാണ് ഇസ്ലാം മത വിശ്വാസികള് ഇന്ന് ബലി പെരുന്നാള് ആഘോഷിക്കുന്നത്. ഹജ്ജ് കര്മ്മത്തിന്റെ പരിസമാപ്തി കൂടിയാണ് ഇത്.
ത്യാഗം, സഹനം, സാഹോദര്യം എന്നീ മൂല്യങ്ങളുടെ സ്മരണയിലാണ് വിശ്വാസികള് ബലി പെരുന്നാള് ആഘോഷിക്കുന്നത്. സൗദി അറേബ്യ ഉള്പ്പടെ എല്ലാ ഗള്ഫ് രാജ്യങ്ങളിലും ബുധനാഴ്ചയായിരുന്നു ബലി പെരുന്നാള്.
ഏറെ നാളത്തെ കാത്തിരിപ്പിന് ശേഷം ഉണ്ടായ മകന് ഇസ്മയിലിനെ നബി ദൈവ കല്പ്പന പ്രകാരം ബലി കൊടുക്കാന് തീരുമാനിച്ചു. നബിയുടെ ഈ ത്യാഗ സന്നദ്ധത കണ്ട് മകന് പകരം ആടിനെ നല്കിയാല് മതിയെന്ന് ദൈവം നിര്ദ്ദേശിച്ചതായാണ് വിശ്വാസം. പെരുന്നാളിനോടനുബന്ധിച്ച് സംസ്ഥാനത്തെ വിവിധ പള്ളികളില് ഇന്ന് നമസ്കാര ചടങ്ങുകള് നടക്കും. മഴ മുന്നറിയിപ്പുള്ളതിനാല് പല ജില്ലകളിലും ഇക്കുറി ഈദ് ഗാഹുകള്ക്ക് നിയന്ത്രണമുണ്ട്.
ഈദ് നമസ്കാരത്തിന് ശേഷം വിശ്വാസികള് ബലി കര്മ്മം നിര്വഹിക്കും. പിന്നീട് ബന്ധുക്കളെ സന്ദര്ശിച്ച് ആശംസകള് കൈമാറി പെരുന്നാള് ആഘോഷത്തിന്റെ നിറവിലേക്ക്. പരസ്പര സ്നേഹം പങ്കുവെച്ച് ബലി പെരുന്നാള് ദിവസത്തെ എല്ലാവരും ധന്യമാക്കണമെന്ന് പാണക്കാട് സാദിഖലി ശിഹാബ് തങ്ങള് പറഞ്ഞു.
