കാഞ്ഞാണി: തെരുവ് നായ്ക്കളുടെ ആക്രമണത്തില് കോഴികള് ചത്തു. വാടാനപ്പിള്ളി അഞ്ചാം വാര്ഡ് റാഫി കോര്ണറില് താമസിക്കുന്ന പണിക്കവീട്ടില് ഷംസുവിന്റെ വീട്ടില് വളര്ത്തുന്ന കോഴികളെയാണ് നായ്ക്കള് ആക്രമിച്ചത്.
കോഴികളെ കൂട്ടില് നിന്ന് തുറന്നു വിട്ടിരിക്കുകയായിരുന്നു. ഈ സമയം മഴയത്താണ് എട്ടോളം വരുന്ന തെരുവ് നായ്ക്കള് എത്തി കോഴികളെ വകവരുത്തിയത്. വീടിന് മതില് ഉണ്ടെങ്കിലും ഗെയ്റ്റ് ഇല്ല. മഴയുടെ ശബ്ദം കാരണം വീട്ടുകാര് കോഴിയുടെ കരച്ചില് കേട്ടില്ലെന്ന് പറയുന്നു. 28 കോഴികളെയാണ് നായ്ക്കള് വകവരുത്തിയത്.
