കുപ്വാര (ജമ്മു കശ്മീര്): ജമ്മു കശ്മീരിലെ മച്ചല് സെക്ടറിലെ കാലാ ജംഗിളില് ഇന്ത്യന് സൈന്യവും ജമ്മു കശ്മീര് പോലീസും സംയുക്തമായി നടത്തിയ ഓപ്പറേഷനില് നാല് ഭീകരര് കൊല്ലപ്പട്ടു. പാക് അധീന കശ്മീരില് നിന്ന് നുഴഞ്ഞുകയറാന് ശ്രമിക്കുന്നതിനിടെയാണ് ഭീകരര് കൊല്ലപ്പെട്ടതെന്ന് ജെകെ പോലീസ് അറിയിച്ചു.
കഴിഞ്ഞ ദിവസം ജമ്മു കശ്മീരിലെ ബിജ്ഭേര മേഖലയില് ലഷ്കര്-ഇ-തൊയ്ബയുമായി (എല്ഇടി) ബന്ധമുള്ള രണ്ട് ഭീകരരെ അനന്ത്നാഗ് പോലീസ് അറസ്റ്റ് ചെയ്യുകയും ആയുധങ്ങളും വെടിക്കോപ്പുകളും കണ്ടെടുക്കുകയും ചെയ്തതായി അധികൃതര് അറിയിച്ചു. ഇവരില് നിന്ന് ഒരു ലക്ഷം രൂപയും 12 എകെ-47 തോക്കുകളും ഒരു ഗ്രനേഡും പോലീസ് പിടിച്ചെടുത്തു.
