തിരുവല്ല : നാലാം ക്ലാസ് വിദ്യാര്‍ത്ഥിനിക്ക് നേരെ ലൈംഗികാതിക്രമം നടത്തിയ സംഭവത്തില്‍ ഓട്ടോ ഡ്രൈവറായ 67 കാരന്‍ അറസ്റ്റിലായി. തിരുവല്ല വെണ്‍പാല താഴമ്പള്ളത്ത് വീട്ടില്‍ കുഞ്ഞായന്‍ എന്ന് വിളിക്കുന്ന വര്‍ഗീസ് ആണ് തിരുവല്ല പോലീസിന്റെ പിടിയിലായത്.
കഴിഞ്ഞ ഒരു വര്‍ഷക്കാലമായി കുട്ടി ഇയാളുടെ ഓട്ടോറിക്ഷയിലാണ് സ്‌കൂളില്‍ വന്നു പോയിരുന്നത്. സ്‌കൂളില്‍ നിന്നും തിരികെ വരും വഴി മറ്റ് കുട്ടികളെ അവരവരുടെ വീടുകളില്‍ ഇറക്കിയ ശേഷം വിജനമായ സ്ഥലങ്ങളില്‍ ഓട്ടോറിക്ഷ നിര്‍ത്തിയിട്ടായിരുന്നു കുട്ടിക്ക് നേരെ ഇയാള്‍ ലൈംഗിക അതിക്രമം നടത്തിയിരുന്നത്.
കഴിഞ്ഞ ദിവസം സംഭവം ശ്രദ്ധയില്‍പ്പെട്ട നാട്ടുകാരില്‍ ഒരാള്‍ കുട്ടിയുടെ മാതാവിനോട് വിവരം പറഞ്ഞു. തുടര്‍ന്ന് മാതാവ് വിവരങ്ങള്‍ ചോദിച്ചപ്പോഴാണ് കുട്ടി പീഡന വിവരം തുറന്നു പറഞ്ഞത്. തുടര്‍ന്ന് കുട്ടിയുടെ മാതാവ് നല്‍കിയ പരാതിയില്‍ പ്രതിയെ വീട്ടില്‍ പോലീസ് അറസ്റ്റ് ചെയ്യുകയായിരുന്നു.
പ്രതികരിക്കാൻ ഇവിടെ എഴുതുക: