കഴിഞ്ഞ വര്ഷം ഇറങ്ങിയ കെ ജി എഫ് ചാപ്റ്റര് 2 ന് ശേഷം അടുത്ത സിനിമയ്ക്കുളള കരാര് നടന് യാഷ് ഇതുവരെ ഒപ്പുവച്ചിട്ടില്ല. എന്നാല് ഇതിഹാസമായ രാമായണത്തെ ആസ്പദമാക്കി നിതേഷ് തിവാരി ഒരുക്കുന്ന ചിത്രത്തില് യാഷ് രാവണന്റെ വേഷത്തിലെത്തുമെന്ന് വാര്ത്തകളുണ്ടായിരുന്നു.
രാമനായി രണ്ബീര് കപൂറും സീതയായി ആലിയ ഭട്ടും എത്തുമെന്നാണ് വാര്ത്ത. എന്നാല് യാഷിന് രാവണന്റെ വേഷം താത്പര്യമില്ലെന്നാണ് അറിയുന്നത്.
കരിയറിലെ ഈ ഘട്ടത്തില് ഒരു നെഗറ്റീവ് കഥാപാത്രത്തെ അവതരിപ്പിക്കാന് യാഷിന് താല്പ്പര്യമില്ലെന്നാണ് നടനുമായി അടുത്ത വൃത്തങ്ങള് പറഞ്ഞു. യാഷ് നെഗറ്റീവ് കഥാപാത്രം അവതരിപ്പിക്കുന്നത് ആരാധകര് ഇഷ്ടപ്പെടുന്നില്ലെന്നതാണ് വേഷം നിരസിക്കുന്നതിന് കാരണമായി പറയുന്നത്.
യാഷ് രാമനാകാന് യോഗ്യനാണെന്നാണ് ഒരു ആരാധകന് സാമൂഹ്യമാധ്യമത്തില് കുറിച്ചു. പശ്ചാത്തലത്തില് വാനരസേനയായി രണ്ബീര് കപൂറും ആലിയ ഭട്ടും മികച്ചതായിരിക്കുമെന്ന് കൂടി തട്ടിവിട്ടു ഇയാള്.
