കോട്ടയം : പ്രായപൂര്ത്തിയാകാത്ത പെണ്കുട്ടിമായി ദൂരൂഹ സാഹചര്യത്തില് കണ്ടെത്തിയ വൃദ്ധനെ നാട്ടുകാര് പിടികൂടി പോലീസിനെ ഏല്പ്പിച്ചു. തീക്കോയി അടുക്കത്തിന് സമീപം ചാമപ്പാറയില് കലുങ്കിനടിയില് നിന്നാണ് നാട്ടുകാര് മറ്റക്കാട് സ്വദേശി ഇബ്രാഹിമിനെ (65)നെ പിടികൂടിയത്.
നാട്ടുകാര് ഇയാളെ പോലീസിന് കൈമാറി. വിവിധ സ്ഥലങ്ങളില് കച്ചവടത്തിനായി പോകുന്ന വ്യക്തിയാണ് ഇയാള്. ഇബ്രാഹിമിനൊപ്പം ഒരു പെണ്കുട്ടിയുമുണ്ടായിരുന്നു. കുട്ടിയുടെ വീട്ടില് ഇബ്രാഹിം പലപ്പോഴും പോകാറുണ്ട്. കഴിഞ്ഞ ദിവസമെത്തി തിരിച്ചുപോകാന് നേരം കുളിക്കാന് പോകാമെന്ന് പറഞ്ഞ് കൂടെ കൂട്ടുകയായിരുന്നു.
കലുങ്കിനയില് പെണ്കുട്ടിയുമായി ദുരൂഹ സാഹചര്യത്തില് വൃദ്ധനെ കണ്ടെത്തിയതോടെ നാട്ടുകാര് പിടികൂടി പോലീസിനെ ഏല്പ്പിക്കുകയായിരുന്നു. താന് കുളിക്കാനാണ് കലുങ്കിന് അടിയിലേക്ക് വന്നതെന്നാണ് ഇബ്രാഹിം നാട്ടുകാരോട് പറഞ്ഞത്. അതേസമയം ഇയാള് പെണ്കുട്ടിയെ ലൈംഗികമായി പീഡിപ്പിക്കുന്നതിന് വേണ്ടിയാണ് ആളൊഴിഞ്ഞ കലുങ്കിന് അടിയിലേക്ക് കൊണ്ടുവന്നതെന്നാണ് പോലീസ് പറയുന്നത്.
