ന്യൂദല്ഹി: വിദ്യാഭ്യാസ മന്ത്രാലയത്തിന്റെ സംരംഭമായ ജി20 ജനപങ്കാളിത്ത പരിപാടിയിലെ റെക്കോര്ഡ് പങ്കാളിത്തത്തെ പ്രധാനമന്ത്രി നരേന്ദ്ര മോദി അഭിനന്ദിച്ചു.
ഈ റെക്കോര്ഡ് പങ്കാളിത്തത്തില് സന്തോഷമുണ്ട്. ഇത് സുസ്ഥിരവും, ഒത്തുചേര്ന്നുള്ള ഭാവിക്കായുള്ള നമ്മുടെ പങ്കിട്ട കാഴ്ചപ്പാടിനെ ശക്തിപ്പെടുത്തുന്നു. ഇന്ത്യയുടെ ജി20 പ്രസിഡന്സിയില് പങ്കെടുക്കുകയും ശക്തിപ്പെടുത്തുകയും ചെയ്ത എല്ലാവര്ക്കും അഭിനന്ദനങ്ങളെന്നാണ് വിദ്യാഭ്യാസ മന്ത്രാലയത്തിന്റെ ട്വീറ്റ് ത്രെഡിന് മറുപടിയായി പ്രധാനമന്ത്രി ട്വീറ്റ് ചെയ്തത്.
ഇന്ത്യയുടെ ജി 20 പ്രസിഡന്സിയുടെ കേന്ദ്ര ബിന്ദുവെന്ന നിലയില്, വിദ്യാഭ്യാസ മന്ത്രാലയം ‘അടിസ്ഥാന സാക്ഷരതയും സംഖ്യാശാസ്ത്രവും ഉറപ്പാക്കുക’ (എഫ്എല്എന്) എന്ന പ്രമേയം പ്രോത്സാഹിപ്പിക്കുന്നതിനും അംഗീകരിക്കുന്നതിനും ലക്ഷ്യമിട്ടുള്ള പ്രവര്ത്തനങ്ങളുടെയും പരിപാടികളുടെയും ഒരു പരമ്പര സംഘടിപ്പിക്കുകയാണ്. വിദ്യാര്ത്ഥികളും അധ്യാപകരും സാമൂഹിക പ്രവര്ത്തകരും ഉള്പ്പെടെ 1.5 കോടിയിലധികം വ്യക്തികളാണ് ഇതുവരെ ഈ സംരംഭത്തിന്റെ ഭാഗമായത്.
