തായ്‌ലന്‍ഡ് ഓപ്പണ്‍; ഇന്ത്യന്‍ പ്രതീക്ഷകള്‍ അവസാനിച്ചു, ലക്ഷ്യ സെന്‍ തോറ്റു

ബാങ്കോക്ക്: തായ്ലന്‍ഡ് ഓപ്പണിലെ ഇന്ത്യന്‍ പ്രതീക്ഷ അവസാനിച്ചു.കുന്‍ലാവുട്ട് വിറ്റിഡ്സര്‍നെതിരെ ശനിയാഴ്ച നടന്ന  

പുരുഷ സിംഗിള്‍സ് സെമിഫൈനലില്‍  ലക്ഷ്യ സെന്‍ പരാജയപ്പെട്ടതിനെ തുടര്‍ന്നാണിത്.  

ഒരു മണിക്കൂറും 15 മിനിറ്റും നീണ്ടുനിന്ന മത്സരത്തില്‍  21-13 17-21 13-21 എന്ന സ്‌കോറിനാണ് ലക്ഷ്യ സെന്‍ കീഴടങ്ങിയത്.ഹോങ്കോങ്ങിന്റെ എട്ടാം സീഡ് ച്യൂക് യിയു ലീയും ഫ്രാന്‍സിന്റെ ടോമ ജൂനിയര്‍ പോപോവും തമ്മിലുള്ള മറ്റൊരു സെമിയിലെ വിജയിയെ കുന്‍ലാവുട്ട് ഫൈനലില്‍ നേരിടും.

കടുത്ത മത്സരമാണ് ലക്ഷ്യസെന്നും കുന്‍ലാവുട്ടുമായി നടന്നത്. ഈ സീസണില്‍ ആദ്യമായാണ് ലക്ഷ്യ സെന്‍ ഒരു ടൂര്‍ണമെന്റിന്റെ സെമിയിലെത്തുന്നത്.