കാബൂള്‍: അഫ്ഗാനിസ്ഥാന്റെ ശ്രീലങ്കന്‍ പര്യടനത്തിലെ ആദ്യ മത്സരം നാളെ. ഹംബന്‍തോട്ടയിലെ മഹിന്ദ രാജപക്സെ അന്താരാഷ്‌ട്ര ക്രിക്കറ്റ് സ്റ്റേഡിയത്തിലാണ് എല്ലാ മത്സരങ്ങളും നടക്കുക.
മൂന്ന് ഏകദിനങ്ങളാണ് പരമ്പരയിലുണ്ടാവുക. മതസരങ്ങളെല്ലാം പകലായിരിക്കും.
കഴിഞ്ഞ വര്‍ഷം ഇരുടീമുകളും അവസാനമായി ഏറ്റുമുട്ടിയ പരമ്പര 1-1 ന് സമനിലയിലായിരുന്നു. ഇടംകൈയ്യന്‍ ബാറ്റര്‍ ഹഷ്മത്തുള്ള ഷാഹിദിയാണ് അഫ്ഗാനിസ്ഥാനെ നയിക്കുന്നത് .
അതേസമയം, ഇന്ത്യയില്‍ നടക്കുന്ന ഐസിസി 50 ഓവര്‍ ലോകകപ്പിന് നേരിട്ട് യോഗ്യത നേടുന്നതില്‍ പരാജയപ്പെട്ടതിനാല്‍ യോഗ്യതാ മതസരം വിജയിച്ചേ ലോകകപ്പ് കളിക്കാനാകൂ . സിംബാബ്വെയില്‍ നടക്കാനിരിക്കുന്ന യോഗ്യതാ മത്സരങ്ങള്‍ക്ക് മുമ്പ് അഫ്ഗാനിസ്ഥാനെതിരായ പരമ്പര, ടീമിന് തന്ത്രങ്ങള്‍ മെച്ചപ്പെടുത്തി മികവ് വര്‍ദ്ധിപ്പിക്കാനുളള അവസരമാണ്.
