കാസർകോട്: കാസർകോട് ജില്ലയിൽ ഭാര്യാഭർത്താക്കൻമാരുടെ വഴി വിട്ട സദാചാരവിരുദ്ധ ജീവിതം വര്‍ധിക്കുന്നു. വിവാഹത്തിന് പുറത്തുള്ള ലൈംഗിക-പ്രണയബന്ധങ്ങള്‍ മൂലം ഇവിടെ വിവാഹമോചനവും ദാമ്പത്യത്തകര്‍ച്ചയും കൂടിവരികയാണെന്നും സംസ്ഥാന വനിതാ കമ്മീഷൻ അധ്യക്ഷ അഡ്വ.പി.സതീദേവി.
കാസർകോട് കളക്ടറേറ്റ് മിനി കോൺഫറൻസ് ഹാളിൽ വനിതാ കമ്മീഷൻ ചെയർപേഴ്സൺ അഡ്വ.പി.സതീദേവിയുടെ നേതൃത്വത്തിൽ നടന്ന സിറ്റിംഗിന് ശേഷമാണ് ജില്ലയിൽ വർദ്ധിച്ച് വരുന്ന വിവാഹേതര ബന്ധങ്ങളെ കുറിച്ച് കമ്മീഷൻ സൂചന നൽകിയത്.
വിവാഹേതര ലൈംഗിക-പ്രണയ ബന്ധങ്ങളുമായി ബന്ധപ്പെട്ടാണ്.വനിത കമ്മീഷന് മുന്നിലെത്തുന്ന പരാതികളിൽ അധികവും. അതിനാൽ വിവാഹ ജീവിതത്തിലേക്കു പ്രവേശിക്കുന്നവർ നിർബന്ധമായും പ്രീമാരിറ്റൽ കൗൺസിലിങ്ങിനു(വിവാഹ പൂര്‍വ്വ കൗണ്‍സലിംഗ്) വിധേയമായിരിക്കണമെന്നും വനിതാ കമ്മീഷന് അധ്യക്ഷ പറഞ്ഞു.
