ഐ പി എൽ ക്രിക്കറ്റിൽ ഇന്ന് ഗുജറാത്ത് ടൈറ്റൻസ് സൺറൈസേഴ്‌സ് ഹൈദ്രാബാദുമായി ഏറ്റുമുട്ടും

അഹമ്മദാബാദ്: ഐ പി എൽ ക്രിക്കറ്റിൽ ഇന്ന് ഗുജറാത്ത് ടൈറ്റൻസ് സൺറൈസേഴ്‌സ് ഹൈദ്രാബാദുമായി മത്സരിക്കും. രാത്രി 7.30ന് അഹമ്മദാബാദിലെ നരേന്ദ്രമോദി സ്‌റ്റേഡിയത്തിലാണ് മത്സരം.

ഇന്നലെ നടന്ന മത്സരത്തിൽ ജയ്‌പൂരിൽ റോയൽ ചലഞ്ചേഴ്‌സ് ബാംഗ്ലൂർ രാജസ്ഥാൻ റോയൽസിനെ 112 റൺസിനാണ് തകർത്തത്. ആദ്യ ബാറ്റ് ചെയ്ത ബാംഗ്‌ളൂർ നിശ്ചിത 20 ഓവറിൽ അഞ്ച് വിക്കറ്റ് നഷ്ടത്തിൽ 171 റൺസ് നേടി. ഫാഫ് ഡുപ്ലെസിസ് 44 പന്തിൽ 55 റൺസ് നേടി.

രാജസ്ഥാൻ 10.3 ഓവറിൽ 59 റൺസിന് എല്ലാവരും പുറത്തായി.രാജസ്ഥാന് വേണ്ടി വെയിൻ പാർനെൽ മൂന്നോവറിൽ പത്ത് റൺസ് വിട്ട നൽകി മൂന്ന് വിക്കറ്റ് നേടി.  വെയിൻ പാർനെൽ തന്നെയാണ് കളിയിലെ താരം.

രണ്ടാമത്തെ മത്സരത്തിൽ കൊൽക്കത്ത നൈറ്റ് റൈഡേഴ്‌സ് ചെന്നൈ സൂപ്പർ കിംഗ്‌സിനെ 6  വിക്കറ്റിന്  പരാജയപ്പെടുത്തി.ചെന്നൈയിൽ നടന്ന് മത്സരത്തിൽ ആദ്യം ബാറ്റ് ചെയ്ത ചെന്നൈ  20 ഓവറിൽ ആറ് വിക്കറ്റ് നഷ്ടത്തിൽ 144 റൺസെടുത്തു. കൊൽക്കത്ത 18.3 ഓവറിൽ നാല് വിക്കറ്റ് നഷ്ടത്തിൽ 147 റൺസെടുത്തു.

ചെന്നൈയുടെ ദീപക് ഛഹർ മൂന്നോവറിൽ 27 റൺസ് വിട്ടു നൽകി മൂന്ന് വിക്കറ്റ്  നേടി. കൊൽക്കത്തയുടെ നിതീഷ് റാണ 44 പന്തിൽ പുറത്താകാതെ  57  റൺസെടുത്തു.