ഇസ്ലാമാബാദ്: പാക്കിസ്ഥാന് മുന് പ്രധാനമന്ത്രി ഇമ്രാന് ഖാന്റെ അറസ്റ്റ് റദ്ദാക്കി സുപ്രീംകോടതി. അറസ്റ്റ് നിയമവിരുദ്ധമാണ്, കോടതിക്ക് ഉള്ളില്നിന്ന് ആരെയും അറസ്റ്റ് ചെയ്യരുത് എന്നും വ്യക്തമാക്കി. ഇമ്രാന് ഖാനെ ഉടന് മോചിപ്പിക്കണമെന്നും കോടതി ഉത്തരവിട്ടു.
മറ്റു പ്രശ്നങ്ങള് ഉണ്ടാകുന്നത് ഒഴിവാക്കാന് അനുയായികളെ നിയന്ത്രിക്കണമെന്ന് ഇമ്രാനോട് കോടതി നിര്ദേശിച്ചു. അഴിമതിക്കേസില് കോടതിയില് ഹാജരാകാനെത്തിയപ്പോഴാണ് വന് പൊലീസ് സംഘം ബലമായി ഇമ്രാന് ഖാനെ പിടികൂടിയത്.
കവചിത വാഹനങ്ങളില് നിരവധി അര്ദ്ധസൈനികര് കോടതി വളപ്പില് പ്രവേശിച്ചതിന് ശേഷം ഇമ്രാാനെ കസ്റ്റഡിയിലെടുക്കുകയായിരുന്നു. ഇതിനു പിന്നാലെ ഇമ്രാന് അനുയായികള് കലാപാഹ്വാനവുമായി തെരുവുകളിലേക്ക് ഇറങ്ങി. ആക്രമണങ്ങള് വര്ധിച്ചതിനുപിന്നാലെ പോലീസ് ഇസ്ലാമബാദില് നിരോധനാജ്ഞ പ്രഖ്യാപിച്ചു.
